کراچی چیمبر کو کینیا کی ’’تجارت و سرمایہ کاری کانفرنس‘‘ میں شرکت کی دعوت
پاکستانی تاجر روایتی اشیا کے علاوہ دیگر مصنوعات کی برآمدات پر توجہ دیں، ہائی کمشنر کینیا
جمعرات 22 مارچ 2018 21:22
(جاری ہے)
اس موقع پر کے سی سی آئی کے صدر مفسر عطا ملک،سینئر نائب صدرعبدالباسط عبدالرزاق، نائب صدر ریحان حنیف،چیئرمین ڈپلومیٹک مشنز و ایمبیسیز لائژز سب کمیٹی سہیل امین،چیئرمین فیئر اینڈ ایگزیبیشن سب کمیٹی عبدالرحمان نقی،چیئرمین خصوصی کمیٹی برائے ’’ مائی کراچی‘‘محمد ادریس اور منیجنگ کمیٹی کے اراکین بھی موجود تھے۔
کینیا کے ہائی کمشنر نے پاکستان اور کینیا کے درمیان تجارتی حجم محدود ہونے پر تشویش کا اظہار کرتے ہوئے کراچی کی تاجروصنعتکار برادری کو کینیا کے لیے روایتی اشیا سے ہٹ کر دیگر اشیا کی برآمدات پر توجہ دینے کا مشورہ دیا تاکہ دونوں ملکوں کے درمیان موجودہ تجارتی حجم میں اضافہ ممکن بنایا جاسکے۔انہوں نے کہاکہ چاول اور چائے وہ دو اشیاء ہیں جن کی روایتی تجارت دونوں ملکوں کے درمیان ہوتی ہے تاہم کئی پاکستانی مصنوعات نہ صرف کینیا کی مارکیٹ میں متعارف کروائی جاسکتی ہیں بلکہ انہیںکینیا کے ذریعے افریقا بھر ممالک تک پہنچایا جاسکتا ہے۔انہوں نے دونوں ملکوں کے مابین سیاحت کو فروغ دینے پر زور دیتے ہوئے کہاکہ چیمبرز کے درمیان بھی رابطوں کو بڑھانے کی ضرورت ہے جس سے دونوں ملکوں کی تاجربرادری کو مزید قریب لانے میں مدد ملے گی اور اس کے مثبت نتائج برآمد ہوں گے۔ایک سوال کے جواب میں انہوں نے کہاکہ کینیا معاشی لحاظ سے ایک مستحکم ملک ہے جو پاکستانی تاجربرادری کے لیے محفوظ مقام ہے لہٰذا انہیں اس پُرامن ملک کا ضرور دورہ کرنا چاہیے جہاں کاروبار کرنا دیگر افریقی ممالک کی نسبت زیادہ آسان ہے۔کے سی سی آئی کے صدر مفسر عطا ملک نے کینیا کے ہائی کمشنر کو ’’تجارت وسرمایہ کاری کانفرنس‘‘ کے لیے بھرپور تعاون کا یقین دلاتے ہوئے کہاکہ مذکورہ ایونٹ کے بارے میں مزید معلومات فراہم کی جائے۔انہوں نے تاجربرادری کی بھرپور شرکت کی یقین دہانی کروائی اور کہا کہ اس سلسلے میں کراچی اور کینیا کی تاجر برادری کے درمیان زیادہ سے زیادہ بی ٹو بی میٹنگز کے لیے مخلصانہ کوششیںکی جائیں گی۔انہوں نے کہاکہ پاکستان اور کینیا کے مابین تجارت کو فروغ دینے کے وسیع مواقع موجود ہیں۔ کینیا مشرقی افریقا کا ایک بڑا ملک ہے ۔ پاکستان دوا سازی،آلاتِ جراحی، کھیلوں کا سامان اور فارم مشینری وغیرہ کینیا کو برآمد کرسکتا ہے۔مفسر ملک نے کہاکہ کراچی چیمبر تجارت اوردوستانہ باہمی تعلقات کو فروٖغ دینا چاہتا ہے۔ہم پاکستان میں کینیا کی سرمایہ کاری اور شراکت داری کو بھی فروغ دینے کے خواہش مندہیں اور دونوں ملکوں کی ترقی کے لیے ہر ممکن تعاون کے لیے تیار ہیں۔ انھوں نے دونوں ممالک کے درمیان باہمی بنیادوں پر ویزہ پالیسی متعارف کرانے پر زور دیتے ہوئے کہا کہ ایسا ہونے سے تجارت و سرمایہ کاری بڑھانے کی راہیں ہموار ہوں گی۔متعلقہ عنوان :
مزید تجارتی خبریں
-
پاکستان سٹاک ایکسچینج میں مسلسل دوسرے روز مندی کارحجان،کے ایس ای 100 انڈیکس 43.20 پوائنٹس کی کمی کے بعد 70290.11 پوائنٹس پربند
-
لاہور:برائلر گوشت کی قیمت 699روپے فی کلو تک پہنچ گئی
-
انٹر بینک اور اوپن مارکیٹ میں روپے کے مقابلے ڈالر مہنگا
-
سونے کی قیمتوں کا کمی کا رجحان
-
اٹک سیمنٹ نے 1.27 ملین ٹن سالانہ کی نصب صلاحیت کے ساتھ ایک نئی پیداواری لائن کے اضافے کا اعلان
-
بینکوں کے ڈیپازٹس، قلیل مدت کے قرضوں اورسرمایہ کاری میں مارچ کے دوران سالانہ بنیاد پر اضافہ ہوا،سٹیٹ بینک
-
پاکستان سٹاک ایکسچینج میں تیزی،100 انڈیکس51 پوائنٹس اضافہ
-
برائلرگوشت کی قیمت 699 روپے فی کلو تک پہنچ گئی
-
چینی کارساز کمپنی چیری کا ٹیگو 8 کی قیمت میں بڑی کمی کا اعلان
-
انٹر بینک میں روپے کے مقابلے ڈالر کی قدر مستحکم رہی جبکہ اوپن مارکیٹ میں ڈالر مہنگا
-
دو ہفتوں کے دوران پیٹرول کی قیمت میں 5 فیصد اضافہ
-
پاکستان اسٹاک مارکیٹ بدھ کو بھی کاروباری اتار چڑھائو کی زد میں رہی ،اگرچہ ٹریڈنگ کے دوران انڈیکس 70700پوائنٹس کی بلند سطح عبور کر گیا تھا تاہم پرافٹ ٹیکنگ کیلئے فروخت کے دبائو سے تیزی مندی میں تبدیل ..
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.