محمد نواز شریف اور مریم نواز کی حاضری سے استثنیٰ کی درخواست پر فیصلہ انسانی بنیادوں پر دینا چاہئے تھا،سینیٹر آصف کرمانی

جمعرات 22 مارچ 2018 20:11

اسلام آباد (اُردو پوائنٹ اخبارتازہ ترین - این این آئی۔ 22 مارچ2018ء) پاکستان مسلم لیگ (ن) کے رہنماء سینیٹر ڈاکٹر آصف کرمانی نے کہا ہے کہ محمد نواز شریف اور مریم نواز کی حاضری سے استثنیٰ کی درخواست پر فیصلہ انسانی بنیادوں پر دینا چاہئے تھا۔

(جاری ہے)

ایک بیان میں آصف کرمانی نے کہا کہ نواز شریف کو لندن جانے کی اجازت ملنی چاہئے تھی، ہر پاکستانی شہری کی طرح نواز شریف کے بھی بنیادی انسانی حقوق ہیں، انہوں نے کہا کہ حاضری سے استثنی کی درخواست پر فیصلہ انسانی بنیادوں پر ہونا چاہئے تھا۔ آصف کرمانی نے کہا کہ نواز شریف ہر تاریخ پر باقاعدگی سے حاضر ہوتے ہیں۔ چھ ماہ میں مقدمے کا فیصلہ نہیں ہوسکا ، اضافی مدت حاصل کی گئی۔