لوگ کہتے ہیں اب میری باری آنی چاہیے،حمزہ شہباز

میری باری کوچھوڑیں اب پاکستان کی باری آنی چاہیے،میرےوالد ایک دیانتدار شخص ہیں،میرےوالد کوکینسرتھا نئی زندگی ملی تو قوم کیلئے وقف کردی۔تقریب سے خطاب

ثنااللہ ناگرہ جمعرات 22 مارچ 2018 17:13

لوگ کہتے ہیں اب میری باری آنی چاہیے،حمزہ شہباز

لاہور(اُردوپوائنٹ اخبارتازہ ترین۔22مارچ 2018ء) : مسلم لیگ ن کے مرکزی رہنماء حمزہ شہباز شریف نے کہا ہے کہ لوگ کہتے ہیں میری باری آنی چاہیے،میری باری کو چھوڑیں پاکستان کی باری آنی چاہیے،میرے والد ایک دیانتدار شخص ہیں،میرے والد کوکینسرتھا نئی زندگی ملی تو قوم کیلئے وقف کردی۔ انہوں نے آج یہاں تقریب سے خطاب کرتے ہوئے کہا کہ 18سال کی عمر میں جھوٹے مقدمہ میں 6 ماہ اڈیالہ جیل میں رہا۔

جج نےبھی کہا کہ ابھی تواس کی عمربھی نہیں اورمقدمے میں نامزد کردیا گیا۔ انہوں نے کہا کہ میرے والد ایک دیانتدار شخص ہیں۔

(جاری ہے)

میرے والد کو کینسر تھا نئی زندگی ملی تو قوم کیلئے وقف کردیا۔ انہوں اپنی بطور وزیراعلیٰ پنجاب باری سے متعلق کہا کہ لوگ کہتے ہیں میری باری آنی چاہیے۔ میری باری کو چھوڑیں پاکستان کی باری آنی چاہیے۔ حمزہ شہباز نے کہا کہ ملک میں موٹروےشروع کیا گیا توتنقید کا نشانہ بنایا گیا۔

بجلی کی لوڈشیڈنگ اب ختم ہو چکی ہے۔ انہوں نے کہا کہ 2013 سے قبل پاکستان میں اندھیروں کا راج تھا۔ مسلم لیگ ن کی حکومت نےملک سےاندھیرے دور کیے۔ انہوں نے کہا کہ پاکستان خطےمیں معاشی طورپرمستحکم ملک بنتا جارہا ہے۔ہمارے سیکیورٹی اداروں نے ملک کے لیے لازوال قربانیاں دی ہیں۔