نوازشریف کو کیوں نکالا کردیا اب شہبازشریف کی باری ہے ،ْعمران خان

اسلام آباد (اُردو پوائنٹ اخبارتازہ ترین - این این آئی۔ 21 مارچ2018ء) چیئرمین تحریک انصاف عمران خان نے کہا ہے کہ نوازشریف کو کیوں نکالا کردیا اب شہبازشریف کی باری ہے ،ْشہباز شریف نے دس سالوں میں چھ ہزار ارب روپے خرچ کئے ،ْ کوئی جدید ہسپتال نہیں بنایا ،ْ کلثوم نواز بھی بیمار ہوکر لندن چلی گئیں ،ْملتان میں میٹرو عوام کی سہولت کیلئے نہیں بنی ،ْ2018میں شریفوں سے پنجاب کو آزاد کرانا ہے ،ْالیکشن مہم میں ایک ایک کرکے بتاؤں گا نواز شریف کوکیوں نکالا۔

کامونکی میں جلسے سے خطاب میں عمران خان نے شہبازشریف کو تنقید کا نشانہ بناتے ہوئے کہا کہ شہبازشریف اپنا چیک اپ کرانے لندن گئے ہیں، انہوں نے گزشتہ 10 برسوں میں پنجاب پر ساڑھے 6 ہزار ارب روپے خرچ کیے تاہم کوئی جدید ہسپتال نہیں بنایا، کلثوم نواز بھی بیمار ہوکر لندن چلی گئیں۔

(جاری ہے)

چیئرمین پی ٹی آئی نے الزام لگایا کہ ملتان میں میٹرو عوام کی سہولت کیلئے نہیں بنی،شہبازشریف نے اس منصوبے سے پیسہ چوری کرکے باہر بھیجنے کے لیے اسے بنایا۔

انہوں نے کہا کہ لوگوں کو پکڑ پکڑ کر کہتے ہیں خدا کیلئے میٹرو میں بیٹھ جائو۔انہوںنے کہاکہ 2018 میں شریفوں سے پنجاب کو آزاد کرانا ہے ،ْنوازشریف کیوں نکالا کردیا اب شہبازشریف کی باتی ہے، نوازشریف کو بتائیں گے انہیں کیوں نکالا، الیکشن مہم میں ایک ایک کرکے بتاؤں گا انہیں کیوں نکالا۔عمران خان نے کہا کہ کرپشن کا بوجھ عوام اٹھاتے ہیں، پنجاب میں 100 روپے میں ملنے والی دوا 50روپے میں ملتی ہے۔

انہوں نے کہا کہ کلثوم نواز کاعلاج لندن میں ہو رہاہے ، غریب آدمی تو وہاں علاج نہیں کروا سکتا۔ عمران خان نے کہا کہ آئندہ الیکشن میں کامیاب ہو کر عوام کو سہولیات دینگے۔ سماجی رابطے کی سائٹ ٹوئٹر پر اپنے بیان میں عمران خان نے ایک بار پھر آشیانہ ہاؤسنگ اسکیم میں نیب کے ہاتھوں گرفتار سابق ڈی جی ایل ڈی اے احد چیمہ کو شہبازشریف کا فرنٹ مین قرار دیا۔

عمران خان نے کہا کہ شہباز شریف کے فرنٹ مین احد چیمہ نیب کی تحویل میں ہیں، ان کے ممکنہ انکشافات کے تصور سے شہبازشریف پرکپکپی طاری ہوتی ہوگی۔چیئرمین پی ٹی آئی نے کہا کہ گزشتہ 10 برسوں سے ساڑھے 6 کھرب کے ترقیاتی فنڈز شہبازشریف کی مٹھی میں ہیں، ان کے بارے میں اب تک آنے والی اطلاعات تو ابتدا ہے، ہم جلد سراغ لگالیں گے کہ ان میں سے کتنی رقم شریفوں کی جیبوں میں بھری گئی۔عمران خان نے مزید کہاکہ شہبازشریف نے عوام کیلئے ڈھنگ کا ایک ہسپتال بھی نہیں بنایا، وہ خود اپنے علاج کیلئے باہر جاتے ہیں۔