کراچی، پی ایس ایل کے فائنل کے روز موبائل فون سروس کھلی رہے گی،وزیر اعلیٰ سندھ مراد علی شاہ

منگل 20 مارچ 2018 22:35

کراچی(اُردو پوائنٹ اخبارتازہ ترین - آن لائن۔ 20 مارچ2018ء) وزیر اعلیٰ سندھ مراد علی شاہ نے کہا ہے کہ پی ایس ایل کے فائنل کے روز موبائل فون سروس کھلی رہے گی۔

(جاری ہے)

کراچی میں میڈیا سے بات کرتے ہوئے وزیراعلیٰ سندھ مراد علی شاہ نے کہا کہ سندھ حکومت نے پی ایس ایل کے فائنل کے موقع پر سیکیورٹی انتظامات پر خاص توجہ دی ہے، پی ایس ایل فائنل کے موقع پر سیکیورٹی کے انتظامات تسلی بخش ہیں، شہری خوشگوار انداز میں پاکستان سپر لیگ کا فائنل انجوائے کریں۔

مراد علی شاہ نے کہا کہ پی ایس ایل کے فائنل کے روز موبائل فون سروس بند ہونے سے شہریوں کو پریشانی کا سامنا ہوسکتا ہے اور ہم شہریوں کو پریشان نہیں کرنا چاہتے۔ اس لئے فیصلہ کیا گیا ہے اس دن موبائل فون سروس بحال رہے گی۔واضح رہے کہ پی ایس ایل کے دوسرے اور تیسرے پلے آف کے دوران لاہور میں موبائل فون سروس بند رہے گی، فائنل کے دوران کراچی میں بھی موبائل فون سروس بند رکھنے کا فیصلہ کیا گیا تھا۔