آرمی چیف جنرل قمر جاوید باجوہ سے ایئر چیف مارشل مجاہد انور خان کی ملاقات، باہمی دلچسپی کے امور پر تبادلہ خیال

منگل 20 مارچ 2018 19:33

راولپنڈی (اُردو پوائنٹ اخبارتازہ ترین - این این آئی۔ 20 مارچ2018ء) آرمی چیف جنرل قمر جاوید باجوہ سے ایئر چیف مارشل مجاہد انور خان نے ملاقات کی جس میں باہمی دلچسپی کے امور پر تبادلہ خیال کیا گیا۔ منگل کو آئی ایس پی آر کے مطابق آرمی چیف جنرل قمر جاوید باجوہ سے جی ایچ کیو میں ایئر چیف مارشل مجاہد انور خان نے ملاقات کی۔

(جاری ہے)

جی ایچ کیو آمد پر ایئر چیف کو گارڈ آف آنر پیش کیا گیا ۔ اس موقع پر ایئر چیف مارشل مجاہد انور خان نے یادگار شہداء پر پھول چڑھائے۔ آئی ایس پی آر کے مطابق آرمی چیف جنرل قمر جاوید باجوہ نے پاک فضائیہ کے سربراہ ایئر چیف مارشل مجاہد انور خان کو ترقی اور تقرری پر مبارکباد دیتے ہوئے ان کیلئے نیک خواہشات کا اظہار کیا ۔