زرعی یونیورسٹی فیصل آباد میں پرائم منسٹر لیپ ٹاپ سکیم کے سلسلہ میں پی ایچ ڈی کے زیرتعلیم طلباء وطالبات میں 267لیپ ٹاپ تقسیم
پیر 19 مارچ 2018 23:30
(جاری ہے)
انہوں نے میرٹ پر لیپ ٹاپ حاصل کرنے والے نوجوانوں کو انمول ہیروں سے تعبیر کرتے ہوئے انہیں ملک کے تابناک مستقبل کے نقیب قرار دیا۔
انہوں نے بتایا کہ 2013ء میں وزیراعظم لیپ ٹاپ سکیم سے اب تک زرعی یونیورسٹی کے ساڑھے چودہ ہزار نوجوانوں کو میرٹ کی بنیاد پر لیپ ٹاپ تقسیم کئے گئے ہیں جبکہ آخری مرحلے میں پاکستان میں قائم مینوفیکچرنگ پلانٹ پر تیار کئے گئے 6128لیپ ٹاپ تقسیم کئے جائیں گے۔ انہوں نے یونیورسٹی انتظامیہ پر زور دیا کہ دنیا کے نامور اور معتبر اداروں کے ساتھ پیشہ وارانہ نیٹ ورکنگ کا حصہ بنیں تاکہ گریجوایٹ ہونے والے باصلاحیت طلبہ کیلئے ملازمتوں کے مواقع پیدا ہوں۔ پاکستان میں پھل اور سبزیوں کی تیاری میں کیمیکلزکے بڑھتے ہوئے استعمال پر تحفظات کا اظہار کرتے ہوئے انہوں نے کہا کہ ہمیں بڑھتی ہوئی آبادی کی غذائی ضروریات پوری کرنے کے ساتھ ساتھ نامیاتی زراعت کیلئے بھی اقدامات بروئے کارلانے چاہئیں۔ یونیورسٹی کے وائس چانسلرپروفیسرڈاکٹر محمد اقبال ظفر نے اپنے خطبہ استقبالیہ میں لیپ ٹاپ حاصل کرنیوالے طلبہ کو مبارکباد پیش کرتے ہوئے بتایا کہ وفاقی حکومت یونیورسٹی میں بنیادی ڈھانچے کی ترقی پر بھاری سرمایہ کاری سمیت نچلی سطح پر اعلیٰ تعلیم کے سستے مواقع پیدا کرنے کیلئے ضلعی ہیڈ کوارٹرمیں نئی یونیورسٹی یا پہلے سے موجود جامعات کے سب کیمپس قائم کر رہی ہے۔ انہوں نے بتایا کہ وفاقی حکومت کی معاونت سے 1350ملین روپے کی لاگت سے یونیورسٹی میں ہزار طلبہ کیلئے ہاسٹل کے ساتھ ساتھ کثیر المنازل آئی سی ٹی بلڈنگ‘ ڈیجیٹل لائبریری اور سٹوڈنٹ سروس سنٹر کی تعمیر آخری مراحل میں ہے جبکہ 250ملین روپے سے پورے کیمپس میں آئی سی ٹی انفراسٹرکچرکی بنیاد ڈال دی گئی ہے۔ انہوں نے انکشاف کیا کہ پورے کیمپس میں انٹرنیٹ کی10-Gسروسز کا آغاز کر دیاگیاہے جس سے یونیورسٹی سمارٹ کیمپس کی شکل اختیار کر چکی ہے۔ انہوں نے اعلی تعلیماتی کمیشن کی انتظامیہ پر زور دیا کہ تین برس قبل لیپ ٹاپ حاصل کرنیوالے نوجوانوں کو اعلیٰ تعلیم کے سلسلہ کو مزید آگے بڑھانے کیلئے دوبارہ لیپ ٹاپ فراہم کرنے کی راہ ہموار کی جائے کیونکہ کمیشن ہی کی پالیسی کے مطابق لیپ ٹاپ تین سال کے بعد متوقع نتائج دینے کی صلاحیت نہیں رکھتے۔ ہائرایجوکیشن کمیشن کے ریجنل ڈائریکٹر جنرل نذیر حسین نے کہاکہ کمیشن کی وساطت سے نوجوانوں کو 10ہزار سے زائد الیکٹرانک بکس اور ہزاروں تحقیقی جرائد تک رسائی حاصل ہے۔ انہوں نے کہاکہ تاریخ میں یہ پہلا موقع ہے کہ نوجوانوں کو پاکستان میں موجود مینوفیکچرنگ پلانٹ سے تیار کردہ لیپ ٹاپس فراہم کئے جا رہے ہیں۔ انہوں نے بتایا کہ جنوبی کوریا میں 90فیصد سے زائد نوجوانوں کو اعلیٰ تعلیم تک رسائی حاصل ہے جس کے مقابلہ میں پاکستا ن میں صرف 9فیصد طلبہ ہی اعلیٰ تعلیم کے مواقعوں سے مستفید ہوپاتے ہیں۔ ان کا کہنا تھا کہ وہ دن تاریخ کا حصہ بن چکے ہیں جب اقوام قدرتی وسائل پر بھروسہ کرکے ترقی کرتی تھیں آج تو ایسی باصلاحیت افرادی قوت کی قدرکی جاتی ہے جو تعلیم کی بنیاد پر معیشت کے خدوخال سنوار سکے۔ تقریب سے ڈائریکٹر فنانشل ایڈ و یونیورسٹی ڈویلپمنٹ ڈاکٹر حفیظ احمد صداقت نے بھی خطاب کیا۔متعلقہ عنوان :
مزید اہم خبریں
-
طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب
-
گندم کٹائی مہم کا افتتاح، مریم نواز نے گندم کی کچی فصل ہی کاٹ دی
-
اپوزیشن کا آصفہ بھٹو کی حلف برداری پر شور شرابے سے لگتا یہ ایک نہتی لڑکی سے خوفزدہ ہیں
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
عالمی مالیاتی اداروں کے حکام کا پاکستان کو آئی ایم ایف کا مختصر مدت کا پروگرام لینے کا مشورہ
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو
-
صدرزرداری نے ساتویں بارپارلیمنٹ سے خطاب کرکے تاریخ رقم کی
-
سپیکر قومی اسمبلی نے ایوان میں باجا بجانے اور شور کرنے پر جمشید دستی اور اقبال خان کی رکنیت معطل کردی
-
اسٹیبلشمنٹ کو عمران خان سے بات کرنا ہوگی لیکن فی الحال کہیں برف نہیں پگھلی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.