اسلام آباد ،ْ23مارچ کیلئے ٹریفک پلان جاری

بدھ اور جمعہ کو دوپہر 2 بجے سے شام 5بجے تک فیض آباد ہر قسم کی ٹریفک کیلئے بند رہے گا

پیر 19 مارچ 2018 14:49

اسلام آباد ،ْ23مارچ کیلئے ٹریفک پلان جاری
اسلام آباد (اُردو پوائنٹ اخبارتازہ ترین - این این آئی۔ 19 مارچ2018ء) اسلام آبادد ٹریفک پولیس نے 23مارچ کو پاکستان ڈے کے لیے ٹریفک پلان جاری کر دیا۔ بدھ اور جمعہ کو دوپہر 2 بجے سے شام 5بجے تک فیض آباد ہر قسم کی ٹریفک کیلئے بند رہے گا جبکہ رات 12 بجے سے لے کر دوپہر 2 بجے تک اسلام آباد میں ہیوی ٹریفک کا داخلہ بھی بند ہوگا۔اسلام آباد ٹریفک پولیس کی طرف سے جاری بیان میں کہا گیاکہ لاہور سے آنے والی چھوٹی ٹریفک روات ٹی کراس سے راولپنڈی کی جانب موڑ دی جائے گی جسے راولپنڈی صدر سے ہوتے ہوئے پشاور جی ٹی روڈ سے موٹر وے پر جایا جا سکے گا۔

ائیر پورٹ راولپنڈی سے آنے والی ٹریفک کھنہ پل سے لہتراڑ روڈ اور پارک روڈ سے راول ڈیم چوک کشمیر ہائی وے سے جا سکے گی ،ْاسلام آباد سے ائیر پورٹ جانے کے لیے 9th ایونیو، مری روڈ اور راول روڈ کو استعمال کیا جا سکے گا۔

(جاری ہے)

موٹر وے سے آنے والی ٹریفک کشمیر ہائی وے مری جاسکے گی، 19، 21 اور 23 مارچ کو دوپہر 2 بجے سے شام 5بجے تک فیض آباد ہر قسم کی ٹریفک کے لیے بند رہے گی اس کے علاوہ انہی تاریخوں میں ایکسپریس ہائی وے کھنہ پل تا فیض آباد ، فیصل ایو نیو زیرو پوائنٹ سے فیض آباد اور مری روڈ راول ڈیم چوک سے فیض آباد تک بند رہیں گی ،ْانتظامیہ کی جانب سے شہریوں کو ان تاریخوں میں متبادل راستے اختیار کرنے کی ہدایت جاری کی گئی ۔

متعلقہ عنوان :