پاکستان 2025ء تک دنیا کی 25 بڑی معیشتوں میں شامل ہو جائے گا
3ء کے مقابلے میں 2018ء کا گوادر پرامن اور خوشحال ہے، نظریاتی مباحثوں سے بالاتر ہو کر اقتصادی ترقی کو مدنظر رکھ کر معاشی اصلاحات کرنا ہوں گی، سی پیک منصوبہ سے خطہ کے لوگوں کی زندگیاں بدل دیں گے، کوئٹہ سے گوادر تک سڑک بنا کر چالیس گھنٹے کا سفر آٹھ گھنٹے کا کر دیا، بلوچستان میں اعلیٰ تعلیم کے فروغ کیلئے صوبے کے تمام اضلاع میں سب کیمپسز قائم کئے جا رہے ہیں وفاقی وزیر منصوبہ بندی، ترقی و اصلاحات پروفیسر احسن اقبال کی گوادر یونیورسٹی کے دورہ کے موقع پر طلباء و طالبات سے گفتگو
پیر 19 مارچ 2018 13:36
(جاری ہے)
انہوں نے کہا کہ ہمیں آگے بڑھنے کیلئے معیشت کی ترقی پر توجہ دینا ہوگی۔
انہوں نے کہا کہ چین نے اسی سوچ کو پروان چڑھا کر دنیا میں معاشی انقلاب لانے میں کامیابی حاصل کی۔ انہوں نے کہا کہ ہمیں پیداواری معیار میں بہتری اور جدت لانا ہوگی، ملک کی ایکسپورٹ بڑھانے کیلئے ٹھوس اقدامات کرنا ہوں گے۔ انہوں نے کہا کہ حکومت صحت، تعلیم، پبلک ہیلتھ اور غذائیت کے مسائل پر ترجیحی بنیادوں پر اقدامات کر رہی ہے۔ انہوں نے کہا کہ سی پیک منصوبہ سے خوفزدہ ہونے کی ضرورت نہیں، اس سے ہم اس خطہ کے لوگوں کی زندگیاں بدل دیں گے۔ انہوں نے کہا کہ حکومت پاکستان نے اپنی مدد آپ کے تحت کوئٹہ سے گوادر تک سڑک بنا کر چالیس گھنٹے کا سفر آٹھ گھنٹے کا کر دیا جس سے لوگوں کی زندگیوں میں آسانیاں پیدا ہوئیں۔ انہوں نے کہا کہ گوادر کو بڑے شہروں کی صف میں لانے کیلئے حکومت نے بہترین اقدامات کئے ہیں۔ انہوں نے کہا کہ گوادر پورٹ، ماسٹر پلان، اکنامک زون، ووکیشنل ٹریننگ سینٹر اور گوادر یونیورسٹی سے گوادر کا تشخص تبدیل ہوگا۔ انہوں نے کہا کہ سی پیک میں ہونے والی سرمایہ کاری کا 80 فیصد توانائی کے شعبہ میں ہے، سی پیک کی بدولت پاکستان کی تاریخ میں یہ سب سے بڑی سرمایہ کاری ہے، توانائی منصوبوں کی بدولت عوام کو بجلی ملے گی جبکہ صنعتکار کا رکا پہیہ ایک بار پھر سے چل پڑے گا۔ انہوں نے کہا کہ سی پیک منصوبہ کے تحت صنعتی شعبہ میں تعاون سے پاکستان جنوبی ایشیا میں صنعتی پیداوار کا مرکز بن کر ابھرے گا۔ انہوں نے کہا کہ بلوچستان میں اعلیٰ تعلیم کے فروغ کیلئے صوبے کے تمام اضلاع میں سب کیمپسز قائم کئے جا رہے ہیں، اس سے بلوچستان کے طلباء و طالبات علم کی روشنی سے روشناس ہوں گے۔ انہوں نے کہا کہ 70 سال سے سوئی سے ہم گیس لے رہے ہیں لیکن گذشتہ حکو متوں نے اس کی ترقی پر کوئی توجہ نہیں دی، موجودہ حکومت نے برسراقتدار آتے ہی یہاں کی زمینوں کو زیرکاشت لانے کیلئے کچھی کینال کا منصوبہ شروع کیا جس سے ابتدائی طور پر 72 ہزار ایکڑ زمین زیرکاشت آئے گی اور بعد میں اس میں اضافہ سے ایک لاکھ 62 ہزار ایکڑ زمین زیرکاشت آئے گی جس سے بلوچستان اور سوئی کی زمینیں سرسبز وشاداب ہو جائیں گی۔ انہوں نے کہا کہ چینی زبان سکھانے کیلئے گوادر کے پچاس نوجوانوں کو سکالرشپ کے تحت چین بھجوایا جا رہا ہے۔مزید اہم خبریں
-
2015میں محرم کی حفاظتی ڈیوٹی پر تعینات سندھ رینجرز نے 8 سال بعدریڈیوپاکستان کی عمارت خالی کردی
-
انسداد دہشت گردی عدالت: اسد عمر‘زین قریشی سمیت 79 ملزمان کی عبوری ضمانتوں میں توسیع
-
وزیراعلی پنجاب سے ایرانی قونصل جنرل کی ملاقات ، منصب سنبھالنے پرمبارکباد پیش کی
-
اسرائیل غزہ میں قحط اور بھوک کو جنگی ہتھیار کے طور پر استعمال کر رہا ہے.یورپی یونین
-
پی ٹی آئی کا اسلام آباد میں جلسہ کرنے کا فیصلہ، انتظامیہ کو درخواست دے دی
-
جنرل (ر) باجوہ، فیض حمید کو پارلیمنٹ میں طلب کرنے کی تحریک پیش کروں گا، خواجہ آصف
-
پاکستان نے جوابی فضائی حملے کیے، طالبان افغان سرزمین سے حملے روکیں، امریکا
-
ایم کیو ایم پاکستان سے کوئی اختلاف نہیں، فیصل واوڈا
-
شاہد خاقان عباسی کے خلاف ایل این جی ریفرنس پر سماعت ملتوی
-
صدر اور وزیرِ اعظم نیب کے گریجویٹ ہیں،شاہد خاقان عباسی
-
گیس و بجلی کی قیمتیں بڑھا کر صنعتوں کو تباہ کرنے کی کوشش کی جا رہی ہے. ڈاکٹر حفیظ پاشا
-
راولپنڈی پولیس،9مئی مقدمات میں پرویزالٰہی اور مراد سعید کے وارنٹ گرفتاری حاصل
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.