کوئٹہ گلیڈی ایٹرز کی ٹیم سے پی آئی اے عملے کا مبینہ ناروا سلوک

پی آئی اے عملے نے کھلاڑیوں کے ہر بیگ میں سامان 20، 20کلوکرنیکاکہا ، پی آئی اے عملے کے تیسرے فرد نے آکر معاملہ سنبھالا اور ٹیم لاہور روانہ ہوسکی

اتوار 18 مارچ 2018 16:30

کوئٹہ گلیڈی ایٹرز کی ٹیم سے پی آئی اے عملے کا مبینہ ناروا سلوک

کراچی (اُردو پوائنٹ اخبارتازہ ترین - آئی این پی۔ 18 مارچ2018ء) پی ایس ایل میں ایلیمنٹری ون کھیلنے کیلئے کراچی سے لاہور آنے والی ٹیم کوئٹہ گلیڈی ایٹرز سے پی آئی اے عملے نے ایئرپورٹ پر سامان کے زائد وزن پر مبینہ ناروا سلوک کا مظاہرہ کیا۔ذرائع کے مطابق کوئٹہ گلیڈی ایٹرزکی ٹیم اورپی آئی اے عملے میں سامان کے وزن پرتنازعہ ہوا،جبکہ ٹیم منیجراعظم خان نے دعوی کیا کہ کھلاڑیوں کے سامان کا مجموعی وزن مقررہ حد میں ہی تھا۔

(جاری ہے)

ٹیم منیجر کے مطابق کسی بیگ میں 22، کسی میں 20، کسی میں 15 کلو سامان تھا۔ جبکہ دوسری جانب پی آئی اے کے عملے نے کھلاڑیوں کے سامان کا انفرادی وزن کرنے پر زور دیا۔ٹیم انتظامیہ نے بتایا کہ پی آئی اے عملے کے 2 افراد نے ہر بیگ میں سامان 20، 20کلوکرنیکاکہا جس کے بعد پی آئی اے عملے کے تیسرے فرد نے آکر معاملہ سنبھالا اور ٹیم لاہور روانہ ہوسکی۔واضح رہے کہ کوئٹہ گلیڈی ایٹر زکی ٹیم منگل کو لاہور میں ایلیمنٹری ون میچ میں پشاور زلمی سے مقابلہ کرے گی۔