مقبوضہ کشمیر، پلوامہ میں بھارتی فورسز کے محاصرے کی کارروائی کے دوران خاتون دل کا دورہ پڑنے سے جاں بحق

اتوار 18 مارچ 2018 12:30

سرینگر ۔ (اُردو پوائنٹ اخبارتازہ ترین - اے پی پی۔ 18 مارچ2018ء) مقبوضہ کشمیر میں ضلع پلوامہ کے علاقے چکورہ میں بھارتی فورسز کی طرف سے محاصرے اور تلاشی کی کارروائی کے دوران ایک عمررسیدہ خاتون دل کا دورہ پڑنے سے جاں بحق ہوگئی۔

(جاری ہے)

کشمیرمیڈیا سروس کے مطابق چکورہ کے ایک رہائشی نے سرینگر میں صحافیوں کو بتایا کہ بھارتی فورسز نے علاقے کا محاصرہ کرکے گھر گھر تلاشی کی کارروائی شروع کی جس کے خلاف لوگوں نے زبردست احتجاجی مظاہرے کئے۔

بھارتی فورسز نے پرامن احتجاجی مظاہرین کو منتشر کرنے کے لیے آنسو گیس سمیت طاقت کا وحشیانہ استعمال کیا۔ انہوںنے کہاکہ آنسوں گیس کے گولے پھٹنے کے دھماکوں کی آواز سن کرایک عمر رسیدہ خاتون راجہ بیگم کودل کا دورہ پڑا اوروہ ہسپتال لے جاتے ہوئے راستے میں ہی جاں بحق ہوگئی۔