حافظ آباد میں کچرے کے ڈھیر سے 5 سالہ بچے کی بوری بند لاش بر آمد

بچے کو بدفعلی کے بعد ہاتھ پاؤں باندھ کر بیدردی سے قتل کرکے بوری میں بند کرکے پھینک دیا گیا ،ْاہلخانہ

ہفتہ 17 مارچ 2018 16:27

حافظ آباد (اُردو پوائنٹ اخبارتازہ ترین - این این آئی۔ 17 مارچ2018ء) حافظ آباد میں کچرے کے ڈھیر سے 5 سالہ بچے کی بوری بند لاش برآمد ہوئی ہے جس سے علاقے میں خوف وہراس پھیل گیا ۔میڈیا رپورٹ کے مطابق حافظ آباد میں کچرے کے ڈھیر سے برآمد ہونے والی 5 سالہ بچے کی لاش کی شناخت شہروز کے نام سے ہوئی ہے۔ پانچ سالہ شہروز جمعہ کو دوپہر سے لاپتہ تھا۔

(جاری ہے)

اہلخانہ نے پولیس کو اطلاع دی جنہوں نے تلاشی لینی شروع کی تو کچرے کے ڈھیر سے بچے کی بوری بند لاش برآمد ہوئی۔

اہلخانہ نے کہاکہ بچے کو بدفعلی کے بعد ہاتھ پاؤں باندھ کر بیدردی سے قتل کرکے بوری میں بند کرکے پھینک دیا گیا۔پولیس نے شہروز کے ساتھ زیادتی کے شبہ اور قتل کے الزام میں دوافراد کو حراست میں لے لیا ہے جبکہ جائے وقوعہ سے شواہد اکھٹے کیے جارہے ہیں۔واضح رہے کہ مقتول شہروز چار بہنوں کا اکلوتا بھائی تھا، لاش دیکھ کر اہل خانہ پر غشی کے دورے پڑنے لگے۔