وزیراعلیٰ پنجاب کی زیرصدارت امن و امان کے حوالے سے اجلاس، رائیونڈ دھماکے کی شدید مذمت، شہداء کو خراج عقیدت
لاہور میں پاکستان سپر لیگ تھری کے سیمی فائنل میچوں کی سکیورٹی و دیگر انتظامات کا جائزہ ، بہترین حفاظتی اقدامات کی ہدایات پی ایس ایل میچوں کا پرامن اور محفوظ انعقاد یقینی بنایا جائے گا،شہبازشریف
جمعہ 16 مارچ 2018 20:12
(جاری ہے)
وزیراعلیٰ نے اجلاس سے خطاب کرتے ہوئے کہا کہ پی ایس ایل میچوں کا پرامن اور محفوظ انعقاد یقینی بنایا جائے گا۔
شائقین کو لاہور میں بہترین کرکٹ دیکھنے کو ملے گی۔ پاکستان میں انٹرنیشنل کرکٹ کے دروازے کھل رہے ہیں۔ کھلاڑیوں کو فول پروف سکیورٹی فراہم کی جائے گی۔ پاک فوج، پولیس اور دیگر قانون نافذ کرنے والے اداروں کی کاوشوں اور قربانیوں سے دہشت گردی کے واقعات میں نمایاں کمی آ چکی ہے۔ انہوں نے کہا کہ رائیونڈ میں دھماکہ ملک کو عدم استحکام سے دوچار کرنے کی ایک گھنائونی سازش ہے۔ دھماکے میں شہید ہونے والے پولیس اہلکاروں اور دیگر افراد کی لازوال قربانیوں کو رائیگاں نہیں جانے دیا جائے گا۔ہماری تمام تر ہمدردیاں شہداء کے لواحقین کے ساتھ ہیں۔ انہوں نے کہا کہ موجودہ حالات کے تناظر میں پی ایس ایل تھری کے میچوں کے لئے فول پروف سکیورٹی انتظامات ہر صورت یقینی بنائے جائیں گے اور تمام متعلقہ اداروں کو قریبی رابطہ رکھتے ہوئے مشترکہ اقدامات کے ذریعے انتظامات کو خوب سے خوب تر بنانا ہے۔دشمن پاکستانی قوم کو خوش نہیں دیکھنا چاہتا لیکن ہم نے اجتماعی کاوشوں اور مشترکہ بصیرت سے دشمن کے عزائم کو ناکام بنانا ہے۔ وزیراعلیٰ نے ہدایت کی کہ میچوں کی سکیورٹی اور دیگر انتظامات گزشتہ برس لاہور میں ہونے والے پی ایس ایل فائنل سے بڑھ کر ہونے چاہئیں۔سٹیڈیم کے اندر اور باہر بہترین انتظامات کو ہر صورت یقینی بنایا جائے اور کابینہ کمیٹی اس ضمن میں کئے جانے والے ہر اقدام کی خود نگرانی کرے اور انتظامات کا موقع پر جا کر جائزہ لیا جائے۔ وزیراعلیٰ نے کہا کہ پرامن اور محفوظ ماحول میں میچوں کا انعقاد یقینی بنایا جائے گا اور اس ضمن میں تمام متعلقہ اداروں اور محکموں کو جانفشانی اور تندہی سے کام کرنا ہوگا۔ انہوں نے کہا کہ یہ پاکستان کی عزت اور وقار کا معاملہ ہے جس پر حرف نہیں آنے دیں گے۔ وزیراعلیٰ نے ہدایت کی کہ سٹیڈیم کے اندر اور باہر صفائی کے بہترین انتظامات ہونے چاہئیں اور میچ کے دوران سٹیڈیم کے اندر اور سٹیڈیم کے داخلی و خارجی راستوں پر بلا تعطل بجلی کی فراہمی یقینی بنائی جائے اور روٹ سمیت پورے لاہور کو برقی قمقموں سے روشن کیا جائے ۔ انہوں نے کہا کہ ہنگامی حالات میں ہمیشہ غیر معمولی اقدامات کرنے پڑتے ہیں اور جذبے صادق ہوں تو پہاڑ جیسی منزل بھی آسان ہوجاتی ہے ۔ وزیراعلیٰ نے ہدایت کی کہ لاہورسمیت پنجاب کے دیگر شہروں میں بھی سکیورٹی انتظامات مزید بہتر بنائے جائیں۔ اجلاس میں شائقین کو سٹیڈیم تک لے جانے کیلئے خصوصی بس شٹل سروس چلانے کا بھی فیصلہ کیا گیا۔ شٹل سروس کے ذریعے شائقین کو سٹیڈیم تک رسائی مفت حاصل ہوگی۔صوبائی وزراء رانا ثناء اللہ، میاں مجتبیٰ شجاع الرحمن، ایوب گادھی، بلال یاسین، جہانگیر خانزادہ، خواجہ عمران نذیر، چیئرمین پی سی بی نجم سیٹھی، چیف سیکرٹری، ایڈیشنل چیف سیکرٹری داخلہ، انسپکٹر جنرل پولیس، متعلقہ محکموں کے سیکرٹریز اور اعلیٰ حکام نے اجلاس میں شرکت کی۔متعلقہ عنوان :
مزید اہم خبریں
-
مارکیٹ میں گندم کے نرخ 3 ہزار سے نیچے گر گئے
-
6 ججز کے خط پر اب تک اٹھائے جانیوالے اقدامات ناکافی، غیرمؤثر اور عدلیہ کے مستقبل کیلئے نہایت خطرناک ہیں
-
عام تعطیل کا اعلان
-
آسمانی بجلی اور طوفانی بارشوں نے تباہی مچا دی، متعدد افراد جاں بحق
-
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
-
علی امین گنڈاپور کو چاہیے مستقل اڈیالہ جیل میں ہی شفٹ ہو جائیں
-
اسٹیٹ بینک کی جانب سے مقامی مارکیٹ سے 4 ارب ڈالرز سے زائد خریدے جانے کا انکشاف
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
-
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.