نواز شریف مریم نواز اور لیگی رہنماوں کے توہین عدالت کیس سے متعلق فیصلوں کاریکارڈ پیمراء کو فراہم

جمعہ 16 مارچ 2018 18:30

لاہور (اُردو پوائنٹ اخبارتازہ ترین - آن لائن۔ 16 مارچ2018ء) نواز شریف مریم نواز اور لیگی رہنماوں کے توہین عدالت کیس سے متعلق فیصلوں کاریکارڈ پیمراء کو فراہم کر دیا گیا۔

(جاری ہے)

پیمراء کویہ خط جوڈیشل ایکٹوازم پینل کے سربراہ اظہر صدیق ایڈووکیٹ کی جانب سے بھیجا گیا ہے،خط کے ہمراہ لاہور ہائیکورٹ میں زیر سماعت توہین عدالت سے متعلق مقدمات اور عبوری فیصلوں کی کاپیاں بھی لف کی گئیں ہیں،خط میں کہا گیا ہے کہ پانامہ کیس کے فیصلے کے بعد نواز شریف،مریم نواز ،شاہد خاقان عباسی سمیت (ن) لیگی سیاسی شخصیات نے عدلیہ مخالف بیان بازی کی، آئین کے تحت عدلیہ کے خلاف بیان بازی توہین عدالت کے زمرے میں آتی ہے،عدالت عالیہ نے پیمراء کوتوہین عدالت سے متعلق نشریات پر پیمراء قانون کے تحت جائزہ لینے کے احکامات صادر کر رکھے ہیں،خط میں کہا گیا ہے کہ پیمراء عدالتی احکامات پر عمل درآمد کو یقینی بنائے۔