پیپلز پارٹی نے تحریک انصاف سے شیری رحمان کو سینیٹ میں اپوزیشن لیڈر منتخب کروانے کی درخواست کردی

محمد علی جمعرات 15 مارچ 2018 20:51

اسلام آباد (اُردوپوائنٹ اخبارتازہ ترین۔15 مارچ 2018ء) پیپلز پارٹی نے تحریک انصاف سے شیری رحمان کو سینیٹ میں اپوزیشن لیڈر منتخب کروانے کی درخواست کردی ہے۔ تفصیلات کے مطابق پیپلز پارٹی نے سینیٹ میں قائد حزب اختلاف کے چناو کیلئے تحریک انصاف کے تحفظات دور کرنے کا فیصلہ کیا ہے۔

(جاری ہے)

پیپلز پارٹی نے تحریک انصاف سے شیری رحمان کو سینیٹ میں اپوزیشن لیڈر منتخب کروانے کی درخواست کردی ہے۔ پیپلز پارٹی نے اپیل کی ہے کہ اپوزیشن کو متحد رکھنے کیلئے ان کی امیدوار شیری رحمان کی حمایت کی جائے۔ جبکہ واضح رہے کہ تحریک انصاف نے بھی سینیٹ میں قائد حزب اختلاف کیلئے اپنے امیدوار کا اعلان کردیا تھا۔ تحریک انصاف نے اعظم سواتی کو قائد حزب اختلاف کے امیدوار کے طور پر میدان میں اتارا ہے۔