بالی وڈ کی نئی فلم باغی ٹو پاکستان میں نمائش کے لیے 30 مارچ کو پیش کی جائے گی

جمعرات 15 مارچ 2018 20:04

لاہور(اُردو پوائنٹ اخبارتازہ ترین - آن لائن۔ 15 مارچ2018ء) بالی وڈ کی نئی فلم باغی ٹو پاکستان میں نمائش کے لیے 30 مارچ کو پیش کی جائے گی۔رومانوی جوڑی ٹائیگرشیروف اور ڈیشا پٹانی پہلی بار باغی ٹو میں پردہ سیمیں پرشائقین کے سامنے آئیں گے جس کی پاکستان میں نمائش کے حقوق ڈسٹری بیوشن نے حاصل کرلیے ہیں۔

(جاری ہے)

فلم میں پاکستانی اسٹار سنگرعاطف اسلم کی آواز میں ریکارڈ کیا گیا ایک خاص رومانوی گیت او ساتھی بھی شامل ہے جو ریلیز ہونے کیساتھ ہی نوجوان نسل کے دل کی دھڑکن بن چکا ہے۔ اس گیت کو اب تک 20ملین سے زائد افراد یوٹیوب پر سرچ چکے ہیں جب کہ فلم کو رواں ماہ کے آخر میں 30مارچ کو دنیا کے دیگر ممالک کیساتھ پاکستانی سنیمائوں کی زینت بنایا جائیگا۔۔