جنرل قمر جاوید باجوہ کا بہاولپور کور کا دورہ،کورکمانڈر نے آپریشنل تیاریوں کے حوالہ سے تفصیلی بریفنگ دی،

کسی بھی خطرہ کے خلاف لڑنے کیلئے بھرپور طور پر تیار ہیں،آرمی چیف

بدھ 14 مارچ 2018 23:08

جنرل قمر جاوید باجوہ کا بہاولپور کور کا دورہ،کورکمانڈر نے آپریشنل ..

راولپنڈی ۔ (اُردو پوائنٹ اخبارتازہ ترین - اے پی پی۔ 14 مارچ2018ء) پاک فوج کے سربراہ جنرل قمر جاوید باجوہ نے بدھ کو بہاولپور کور کا دورہ کیا۔ آئی ایس پی آر کی جانب سے جاری بیان میں کہا گیا ہے کہ چیف آف آرمی سٹاف کو بہاولپور کور کے کمانڈر نے آپریشنل تیاریوں کے حوالہ سے تفصیلی بریفنگ دی۔

(جاری ہے)

آرمی چیف نے مشرقی سرحد پر دی گئی ذمہ داریوں اور کسی بھی خطرہ کے خلاف بھرپور تیاریوں پر کور کی کارکردگی کو سراہا۔ آرمی چیف نے کہا کہ ہمارے بہادر اور روایتی جنگجوئوں نے خطروں کے جواب کیلئے اپنی توجہ کو کم نہیں کیا بلکہ اس سے ہمارے اعتماد میں اضافہ ہوا ہے اور ہم کسی بھی خطرہ کے خلاف لڑنے کیلئے بھرپور طور پر تیار ہیں۔ اس موقع پر کور کمانڈر ملتان بھی موجود تھے۔