وویمن چیمبر آف کامرس اینڈ انڈسٹری کے زیر اہتمام تقریب

بدھ 14 مارچ 2018 21:58

پشاور۔ (اُردو پوائنٹ اخبارتازہ ترین - اے پی پی۔ 14 مارچ2018ء)وویمن چیمبر آف کامرس اینڈ انڈسٹری کے زیر اہتمام ایف پی سی سی آئی کی سٹینڈنگ کمیٹی برائے یوتھ افیئر انٹرپینیور اور یوتھ افیئر آرگنائزیشن کی افتتاحی تقریب منعقد ہوئی۔ تقریب کی مہمان خصوصی وویمن چیمبر کی لیڈر مسز فطرت الیاس بلور تقریب کے اعزاز و مقاصد پر تفصیلی بات کی اور کہا کہ ایک پلیٹ فارم بنایا جائے جس میں نوجوان طبقہ اپنے کاروبار کے سلسلے میں کاروباری شخصیات سے بھرپور فائدہ اٹھاسکیں۔

ایف پی سی سی آئی یوتھ انٹرپینیور کی سٹینڈنگ کمیٹی کی چیئرپرسن مسز روحی ظاہر شاہ نے کہا کہ مختلف تعلیمی اداروں میں نوجوان طلبہ و طالبات کو ٹریننگ دینے کے لئے پشاو ر کی ممتاز صنعتکاروں اور کاروباری شخصیات کو مختلف پروگرام میں مدعو کیا جائے گا جن سے نوجوان طبقہ بے روزگاری جیسی لعنت سے چھٹکارا حاصل کرسکے ۔

(جاری ہے)

اس تقریب میں پشاور کی ممتاز شخصیات کو مدعو کیا گیا جن میں وویمن چیمبر کی لیڈر مسز فطرت الیاس بلور ‘ راشدہ انور ‘ فرخندہ اندرابی ‘ فاطمہ شاہین ‘سوشل ویلفیئر کی آفیسر روبینہ ‘ بیرسٹر بلال،بلال سھٹہی اور مختلف یونیورسٹیوں جن میں سٹی یونیورسٹی ‘ اباسین یونیورسٹی ‘ آئی ایم سائنسز کی طلباء ‘ طالبات اور 1122کے آفیسرز نے شرکت کی ۔

تقریب میں سوشل ویلفیئر ڈیپارٹمنٹ کی آفیسر نے بھی شرکت کی اورتعاون کا یقین دلایا ۔

Facebook Twitter Google + Share on Whatsapp

وویمن چیمبر آف کامرس اینڈ انڈسٹری کے زیر اہتمام تقریب

مزید تجارتی خبریں