دنیا بھر میں بھارتی چاول کی مانگ میں نمایاں کمی ، پاکستانی چاول کی برآمدات میں اضافہ متوقع

محکمہ زراعت نے زرعی زہروں کے حوالے سے شعوری مہم شروع کر دی، ترجمان

بدھ 14 مارچ 2018 21:37

دنیا بھر میں بھارتی چاول کی مانگ میں نمایاں کمی ، پاکستانی چاول کی برآمدات ..

لاہور۔14 مارچ(اُردو پوائنٹ اخبارتازہ ترین - اے پی پی۔ 14 مارچ2018ء) دنیا بھر میں بھارتی چاول کی مانگ میں کمی کے بعد پاکستانی چاول کی برآمدات میں غیر معمولی اضافہ متوقع ہے ۔ محکمہ زراعت کے ترجمان کے مطابق محکمہ نے کسانوں میں زرعی زہروں کے استعمال کے حوالے سے شعوری مہم شروع کر دی ہے ۔ دنیا بھر کی چاول درآمد کرنے والی کمپنیوں نے محکمہ زراعت کے اس اقدام کی تحسین کی ہے۔

چاول ایک اہم نقد آور فصل ہے۔

(جاری ہے)

یہ فصل ہماری غذائی ضروریات پوری کرنے کے ساتھ ساتھ برآمدات کے ذریعے زرمبادلہ کمانے میں بھی اہم کردار ادا کرتی ہے۔ پاکستانی باسمتی چاول اپنی خوشبو اور کوالٹی کی وجہ سے پوری دنیا میں پسند کیا جاتا ہے۔ پاکستان دنیا میں چاول برآمد کرنے والے ممالک میں اہم مقام رکھتا ہے۔ پھپھوند کش زرعی ادویات ٹرائی سائیکلازول، کاربینڈازم اور تھائیوفینیٹ میتھائل کو ترک کرکے پاکستانی چاول کی مانگ میں اضافہ ہو سکتا ہے۔دنیا بھر میں پیدا ہونے والے چاول پر زہریلی ادویات کا استعمال کم سے کم کیا جا رہا ہے۔ اس لئے اب پاکستان میں بھی اس حکمت عملی پر کام شروع ہوگیا ہے۔