نواز شریف نے عمران خان والا رویہ اپنا لیا ہے، خورشید شاہ

الزام تراشیوں کا یہ وطیرہ اب نہیں چلے گا میاں صاحب کو چھانگا مانگا کی تاریخ یاد آرہی ہے، قائد حزب اختلاف

بدھ 14 مارچ 2018 20:35

نواز شریف نے عمران خان والا رویہ اپنا لیا ہے، خورشید شاہ

اسلام آباد (اُردو پوائنٹ اخبارتازہ ترین - آن لائن۔ 14 مارچ2018ء) قومی اسمبلی میں قائد حزب اختلاف سید خورشید احمد شاہ نے کہا ہے کہ نواز شریف نے عمران خان والا رویہ اپنا لیا ہے مگر ان کا الزام تراشیوں کا یہ وطیرہ اب نہیں چلے گا میاں صاحب کو چھانگا مانگا کی تاریخ یاد آرہی ہے ان خیالات کا اظہار انہوں نے پارلیمنٹ ہاؤس کے باہر صحافیوں سے گفتگو میں کیا اپوزیشن لیڈر سید خورشید شاہ نے کہا کہ ہم جمہوریت کے لیے ہی سرکٹاتے اور پھانسی پر چڑھتے ہیں ہم کسی دربار پر نہیں جھکیں ہمارا دربار جمہوریت ہے میاں صاحب الزام تراشیوں کا یہ وطیرہ نہیں چلے گا میاں صاحب ممیوگیٹ یاد کریں اگر تھوڑا سے اور پھیچے چلے جاہیں تو میاں صاحب کو چھانگا مانگا کی تاریخ بھی یاد آجائے گی انہوں نے کہاکہ پیپلزپارٹی نے سینٹ میں شیریں رحمان کو اپوزیشن لیڈر نامزد کردیا ہے کیونکہ ہمارے پاس 21ممبر ہیں اور تحریک انصاف کے پاس 12 ممبر ہیں اس لیے اپوزیشن لیڈر کا حق ہمارا ہے ایک سوال کے جواب میں انہوں نے کہا کہ سینٹ انتخابات پر میاں صاحب کے لوگ عدالت چلے گئے ثابت بھی کرنا پڑیگا کہ ہارس ٹریڈنگ کس نے کی