عماد وسیم کی انجری، میچ میں عدم شرکت

شارجہ (اُردو پوائنٹ اخبارتازہ ترین - آن لائن۔ 14 مارچ2018ء) عماد وسیم کی انجری کے باعث میچ میں عدم شرکت کی وجہ سے اوئن مورگن کو ان کی جگہ کراچی کنگز کی کپتانی کریں گے۔تفصیلات کے مطابق عماد وسیم کو ڈاکٹروں نے عماد وسیم کو ایک سے دو روز مزید آرام کا مشورہ دیا ہے۔عماد وسیم لاہور قلندرز کے خلاف میچ کے 19ویں اوور میں سہیل خان کا کیچ لیتے ہوئے سر کے بل گرگئے تھے جس کے بعد انہیں گراؤنڈ سے اسٹریچر پر لے جایا گیا۔

انگلش بلے باز نے گزشتہ روز کراچی کنگز کی اسکواڈ کو جوائن کیا تھا۔مورگن قومی کرکٹ ٹیم میں خدمات کی وجہ سے اب تک پی ایس ایل تھری کا حصہ نہ بن سکے تھے تاہم اب انہوں نے دبئی میں کراچی کنگز کے اسکواڈ کو جوائن کرلیا۔کراچی کنگز نے اب تک ایونٹ کے 8 میچز کھیلے ہیں اور اسے مزید 2 میچز کھیلنا ہیں جب کہ پوائنٹس ٹیبل پر کراچی کنگز 9 پوائنٹس کے ساتھ تیسری پوزیشن پر براجمان ہے۔

(جاری ہے)

دوسری جانب میڈیا سے گفتگو میں مورگن نے پی ایس ایل کے پاکستان میں ہونے والے میچز میں عدم دستیابی کا اعلان کیا ہے۔مورگن کا کہنا تھا کہ وہ دسمبر سے سفر کررہے ہیں اور گھر جاکر اپنے اہلخانہ کے ساتھ وقت گزارنا چاہتے ہیں۔انگلش کپتان کا کہنا تھا کہ پاکستان میں گزشتہ سال پی ایس ایل فائنل کافی مثبت تھا، پاکستان میں کرکٹ واپس آرہی ہے، امید ہے جلد پوری کرکٹ پاکستان میں ہوگی۔۔