کامسیٹس اور پی آئی ڈی ایف کے درمیان مشترکہ تحقیق اور سنٹر آف ایکسیلینس کو مستحکم کرنے سے متعلق معاہدہ طے پا گیا

بدھ 14 مارچ 2018 20:29

اسلام آباد ۔ (اُردو پوائنٹ اخبارتازہ ترین - اے پی پی۔ 14 مارچ2018ء)جنوب میں پائیدار ترقی کیلئے سائنس و ٹیکنالوجی سے متعلق کمیشن (کامسیٹس) اور پیسفک آئی لینڈ ڈویلپمنٹ فورم (پی آئی ڈی ایف) کے درمیان مشترکہ تحقیق اور سنٹر آف ایکسیلینس کو مستحکم کرنے سے متعلق معاہدہ طے پا گیا۔ ایگزیکٹو ڈائریکٹر کامسیٹس ڈاکٹر ایس ایم جنید زیدی اور سیکرٹری جنرل پی آئی ڈی ایف فرانکوئس مارٹل نے معاہدے پر دستخط کئے۔

(جاری ہے)

کامسیٹس رکن ملکوں کے سفیر،مقامی سائنس و ٹیکنالوجی جامعات کے وائس چانسلرز، حکومتی اور بین الاقوامی تنظیموں کے نمائندوں کے علاوہ آسٹریلیا میں پاکستانی ہائی کمشنر نائلہ چوہان بھی اس موقع پر موجود تھیں۔ کامسیٹس سیکرٹریٹ کی ایڈوائزر فوزیہ نسرین نے اس موقع پر کمیشن اور پی آئی ڈی ایف کے مابین تعاون کی اہمیت کو اجاگر کیا۔ انہوں نے رکن ملکوں میں پائیدار ترقیاتی اہداف کے حصول کیلئے کمیونٹی سطح ترقی کی اہمیت پر زور دیا۔ سیکرٹری جنرل پی آئی ڈی ایف فرانکوئس مارٹل نے اس موقع پر کہا کہ کامسیٹس اور پی آئی ڈی ایف کے درمیان تعاون ساوتھ ساوتھ تعاون کیلئے اہم قدم ہے۔ انہوں نے کہا کہ یہ تعاون دونوں اداروں کے مابین دوستی کا واضح پیغام ہے۔

Facebook Twitter Google + Share on Whatsapp

کامسیٹس اور پی آئی ڈی ایف کے درمیان مشترکہ تحقیق اور سنٹر آف ایکسیلینس کو مستحکم کرنے سے متعلق معاہدہ طے پا گیا

مزید تعلیم کی خبریں