مقبوضہ کشمیر: سرینگر کے مختلف علاقوں میں مسلسل تیسرے روز بھی ہڑتال

بدھ 14 مارچ 2018 17:37

سری نگر۔ (اُردو پوائنٹ اخبارتازہ ترین - اے پی پی۔ 14 مارچ2018ء) مقبوضہ کشمیر میںپیر کوضلع اسلام آباد میں بھارتی فورسز کے ہاتھوں عیسیٰ فاضلی سمیت تین نوجوانوں کی شہادت پر سرینگر کے علاقے صورہ اور اس سے ملحقہ علاقوں میں آج مسلسل تیسرے روز بھی مکمل ہڑتال کی گئی۔

(جاری ہے)

کشمیرمیڈیا سروس کے مطابق بچھپورہ،عمرہائر، پاندچھ، الٰہی باغ، ناگہ بل اور احمد نگرکے علاقوں میں تمام دکانیں اورکاروباری مراکز بند رہے جبکہ سڑکوں پر گاڑیوں کی آمدورفت نہ ہونے کے برابر تھی۔

عیسیٰ فاضلی کا تعلق سرینگر کے علاقے صورہ سے تھا۔ بھارتی فوجیوں نے ان کو دو ساتھیوں کے ہمراہ ضلع اسلام آباد کے علاقے ہاکورہ میں محاصرے اور تلاشی کی ایک کارروائی کے دوران شہید کیا تھا۔ دریں اثناء آج گاندربل کے گورنمنٹ ڈگری کالج میں کلاس ورک معطل رہا۔ یہ حکمنامہ ضلع کے ڈپٹی کمشنر ڈاکٹر پیوش سنگھلا نے نوجوانوں کی شہادت پر طلباء کے احتجاجی مظاہروں کے پیش نظر جاری کیا تھا۔

Facebook Twitter Google + Share on Whatsapp

مقبوضہ کشمیر: سرینگر کے مختلف علاقوں میں مسلسل تیسرے روز بھی ہڑتال

متعلقہ عنوان :

مزید کشمیر کی خبریں