سپریم کورٹ نے عائشہ گلالئی کی نااہلی کے لئے عمران خان کی دائر اپیل مسترد کردی
تازہ ترین : 1

سپریم کورٹ نے عائشہ گلالئی کی نااہلی کے لئے عمران خان کی دائر اپیل مسترد کردی

عائشہ گلالئی کی جانب سے کیا تحریری استعفیٰ آیا ہے ،ْچیف جسٹس کا عمران خان کے وکیل سے استفسار عائشہ گلالئی کا تحریری استعفا نہیں آیا ،ْانہوں نے میڈیا میں پارٹی سے استعفے کا اعلان کیا تھا ،ْوکیل کا جواب شیخ رشید نے بھی اسمبلی سے مستعفی ہونے کا کہا تھا ،ْ کیا اعلان کے بعد ان کا استعفیٰ ہو گیا ،ْ جسٹس اعجاز الاحسن

سپریم کورٹ نے عائشہ گلالئی کی نااہلی کے لئے عمران خان کی دائر اپیل مسترد ..
اسلام آباد(اُردو پوائنٹ اخبارتازہ ترین۔ 14 مارچ2018ء) سپریم کورٹ نے تحریک انصاف کی باغی رہنما عائشہ گلالئی کی نااہلی کیلئے عمران خان کی دائر اپیل مسترد کردی۔ بدھ کو سپریم کورٹ میں عائشہ گلالئی کی نااہلی کیلئے عمران خان کی اپیل کی سماعت ہوئی۔ چیف جسٹس نے کہا کہ عائشہ گلالئی کی جانب سے کیا تحریری استعفیٰ آیا ہی ۔ وکیل عمران خان نے کہا کہ عائشہ گلالئی کا تحریری استعفا نہیں آیا تاہم انہوں نے میڈیا میں پارٹی سے استعفے کا اعلان کیا تھا۔

جسٹس اعجاز الاحسن نے کہا کہ شیخ رشید نے بھی اسمبلی سے مستعفی ہونے کا کہا تھا لیکن کیا اعلان کے بعد ان کا استعفیٰ ہو گیا، اسی طرح عائشہ گلالئی نے پریس کانفرنس میں استعفا دینے کی بات کی۔ چیف جسٹس نے کہا کہ سیاسی لوگ ایسے بیانات دیتے رہتے ہیں ،ْعدالت نے عمران خان کی اپیل مسترد کردی۔پاکستان تحریک انصاف کے چیرمین عمران خان نے عائشہ گلالئی کی نااہلی کے لئے الیکشن کمیشن کے فیصلے کے خلاف سپریم کورٹ میں درخواست دائر کی تھی۔

انہوں نے اپیل میں موقف اختیار کیا تھا کہ عائشہ گلالئی نے پی ٹی آئی کے وزارت عظمیٰ کے امیدوار شیخ رشید کو ووٹ نہیں دیا تھا لہذا پارٹی پالیسی کی خلاف ورزی پر وہ آئین کے تحت اسمبلی رکنیت سے نا اہل ہوگئیں۔واضح رہے کہ پی ٹی آئی کی رکن قومی اسمبلی عائشہ گلالئی نے عمران خان پر بدکردار شخص ہونے کا الزام لگایا تھا جس کے بعد پی ٹی آئی نے ان کی رکنیت معطل کردی ۔

مزید متعلقہ خبریں پڑھئیے‎ :

وقت اشاعت : 14/03/2018 - 14:24:36

اس خبر پر آپ کی رائے‎