کراچی میں مئی اور جون میں سخت گرمی پڑ سکتی ہے،محکمہ موسمیات

منگل 13 مارچ 2018 20:11

کراچی(اُردو پوائنٹ اخبارتازہ ترین - آن لائن۔ 13 مارچ2018ء) محکمہ موسمیات نے خبردار کیا ہے کہ کراچی میںمئی اور جون میں سخت گرمی پڑ سکتی ہے۔ ہیٹ ویو کا خدشہ ہے۔ اس لیے کراچی کی عوام تیار رہیں اور احتیاطی تدابیر اختیار کریں۔ہیٹ ویو کے دوران رمضان بھی آئے گا۔ اسی لیے موسمیات نے کراچی کے عوام اور انتظامیہ کو پیشگی خبردار کر دیا ہے۔

(جاری ہے)

محکمہ موسمیات کے ڈایریکٹر عبدالرشید کے مطابق مئی اور جون میں سخت گرمی ہوگئی۔

یہی نہیں ہیٹ ویو کا بھی خدشہ ہے۔ہیٹ ویو کے تناظر میں گزشتہ سانحات کو سامنے رکھتے ہوئے متعلقہ اداروں کو بھی الرٹ ہونا پڑے گا۔عبدالرشید کے مطابق رمضان کے گزرجانے کے بعد جولائی میں موسم بہتری کی طرف آئے گا۔شہریوں کو امید ہے کہ ہیٹ ویو کے دوران پیشگی اقدامات ضرور کیے جائیں گے۔