کینیڈا، بیلجیئم کے بادشاہ کے استقبال کے موقع پربیلجیئم کے بجائے جرمنی کا پرچم بلند

منگل 13 مارچ 2018 15:29

اوٹاوا۔ (اُردو پوائنٹ اخبارتازہ ترین - اے پی پی۔ 13 مارچ2018ء) بیلجیئم کے بادشاہ فلپ اور ملکہ میتھلڈ کے کینیڈا کے دورے کے دوران اٹاوا میں ایک سرکاری تقریب کے منتظمین نے مہمان شاہی جوڑے کے استقبال کے موقع پربیلجیئم کے بجائے جرمنی کا پرچم بلند کر دیا۔ تاہم جلد ہی انہیں اپنی غلطی کا احساس ہوا اور مہمانوں کی آمد سے قبل اسے درست کر دیا گیا۔

(جاری ہے)

عالمی ذرائع کے مطابق یہ واقعہ کینیڈا کی گورنر جنرل جولی پائیٹ کی رہائشگاہ کے باغ میں پیش آیا۔

کینیڈا کی گورنر جنرل کی ترجمان میری ایف لیٹورنو کے مطابق شاہ فلپ اور ملکہ میتھلڈ کے پہنچنے سے قبل غلطی کو درست کر دیا گیا۔بیلجیئم کے شاہی جوڑیکا دورہ ایک ہفتہ جاری رہے گا۔ دورے میں شاہی جوڑے کے ساتھ بیلجیئم کا ایک وفد بھی آیا ہے جس میں وزراء ، تاجر اور فن کار شامل ہیں۔