تلسی کے پودے میں شفا کے خزانے پائے جاتے ہیں، ماہرین صحت

منگل 13 مارچ 2018 13:50

نئی دہلی ۔ (اُردو پوائنٹ اخبارتازہ ترین - اے پی پی۔ 13 مارچ2018ء) بھارت کے ماہرین صحت نے کہا ہے کہ تلسی ’’بیسل‘‘ میں شفا اور صحت کے حیرت انگیز خزانے موجود ہیں۔کانپور کی آزاد ایگریکلچرل یونیورسٹی کے ماہرین کی تحقیق کے مطابق تلسی میں وٹامن، معدنیات، کیلشیم،کینسر سے لڑنے اور سوزش سے بچانے والے بی ٹا کیریو فائلین اور دیگر قدرتی اجزاء شامل ہیں۔

انھوں نے کہا کہ تلسی جسمانی ڈی این اے کو بہتر حالت میں رکھتا ہے (جس کا بگاڑ معلوم اور نامعلوم کتنے ہی امراض کی وجہ بنتا ہی)۔

(جاری ہے)

تلسی کے پتے جینیاتی نقائص کو دور کرکے ڈی این اے کو صحت مند حالت میں رکھتے ہیں۔ ماہرین کے مطابق اگر ڈی این اے میں ٹوٹ پھوٹ ہو تو پھر امراض اور پیچیدگیوں کا ایک سلسلہ شروع ہوجاتا ہے۔ ڈی این اے سے متاثرہ جسم میں فری ریڈیکلز بننے لگتے ہیں تاہم تلسی میں موجود فلیوو نوئیڈز اور اینٹی اکسیڈنٹس ڈی این اے کی حفاظت کرتے ہیں۔

تلسی میں موجود اینٹی اکسیڈنٹس کا خزانہ دل کی حفاظت کرتا ہے۔ تلسی کا پتا کولیسٹرول اور بلڈ پریشر کو کم کرنے میں بہت مفید ثابت ہوتا ہے۔تلسی میں اینٹی بیکٹیریا خواص موجود ہیں جو کئی اقسام کے جراثیم کو ختم کرنے کی صلاحیت رکھتے ہیں۔

Facebook Twitter Google + Share on Whatsapp

تلسی کے پودے میں شفا کے خزانے پائے جاتے ہیں، ماہرین صحت

مزید بین الاقوامی خبریں