بھارتی گروپ نے کروشیے کے نمونوں کی سب سے بڑی نمائش کا عالمی ریکارڈ بنا لیا

امین اکبر منگل 6 مارچ 2018 23:52

بھارت سے تعلق رکھنے والی تنظیم نے کروشیا کے نمونوں کی سب سے بڑی نمائش کا انعقاد کر کے نیا عالمی ریکارڈ بنا لیا ہے۔
اس نمائش کا انعقاد مدر انڈیا کروشیا کوئنز نے کیا تھا۔ گینیز ورلڈ ریکارڈ نے اسے کروشیے کےنمونوں کی سب سے بڑی نمائش قرار دیا۔ اس نمائش کا بنیادی خیال "سبزہ لگاؤ، زمین بچاؤ"( Go Green, Save the Earth) تھا۔ اس نمائش میں کروشیے کے 58,917 نمونے رکھے گئے۔

(جاری ہے)

یہ نمونے انسان اور اس کی تاریخ کے مختلف حصوں سے متعلق منظرکشی کر رہے تھے۔
یہ تنظیم ابتدائی طور پر بھارتی خواتین نے بنائی تھی لیکن اس میں دنیا بھر سے آدمی، بچے اور عورتیں شامل ہیں۔اس منصوبے کے لیے تنظیم کے ارکان نے چنائی میں واقع اپنے ہیڈکوارٹر کو کروشیے کے نمونے بھیجے۔
کروشیے کے نمونوں کی سب سے بڑی نمائش کا عالمی ریکارڈ اس سے پہلے برطانیہ کے ایک کلب نے 2014 میں بنایا تھا۔ کرافٹ کلب کی نمائش میں 13,388 کروشیا کے نمونے تھے ۔

Facebook Twitter Google + Share on Whatsapp

بھارتی گروپ نے کروشیے کے نمونوں کی سب سے بڑی نمائش کا عالمی ریکارڈ بنا لیا

مزید عجیب و غریب خبریں