کرپشن اور بدعنوانی کے مقدمے میں ملوث بااثر ڈپٹی چئیرمین نیب امتیاز تاجور کو کلین چٹ مل گئی

منگل 6 مارچ 2018 23:15

اسلام آباد(اُردو پوائنٹ اخبارتازہ ترین - آن لائن۔ 06 مارچ2018ء) کرپشن اور بدعنوانی کے مقدمے میں ملوث بااثر ڈپٹی چئیرمین نیب امتیاز تاجور کو کلین چٹ مل گئی ، ڈی جی ایف آئی اے بشیر میمن کے حکم پر ایک کے بعد ایک بڑے اسکینڈلز کی انکوائریاں بند ہونے لگیں۔ایف آئی اے نے عدالت سے ڈپٹی چیئرمین نیب امتیاز تاجور کیخلاف مقدمہ خارج کرنے کی سفارش کردی۔

(جاری ہے)

ڈپٹی چیئرمین نیب کیخلاف سپیشل جج سنڑل کی عدالت میں کیس زیر سماعت کے بطور چیئرمین نادرا امتیاز تاجور پر سرکاری خزانے کو نقصان پہنچانے کا الزام تھا بااثر بیوروکریٹ کیخلاف انکوائری پر ڈائریکٹر مظہر کاکا خیل اور ڈپٹی ڈائریکٹر کو عہدے سے ہاتھ دھونا پڑے تھے انکوائری کرنے والے ایف آئی اے افسروں کو ابھی بھی انتقامی کارروائی کا سامنا ہے ۔متاثرہ افسران نے محکمانہ کارروائی کیخلاف اسلام آباد ہائیکورٹ سے حکم امتناع بھی لے رکھا ہے اس سے پہلے تیس بلین کے گرینڈ حیات ہوٹل اسکینڈل کی انکوائری بند کردی گئی تھی