وفاقی اور صوبائی حکومتوں کے تحت قائم کرنے والے جونیئر اور سینئر کلرکوں کے پے سکیل میں فرق دور کرنے کے معاملہ پر غور کیا جائے گا

وفاقی وزیر پارلیمانی امور شیخ آفتاب احمد کی سینیٹ میں سینیٹر سردار اعظم موسیٰ خیل کے توجہ دلائو نوٹس پر یقین دہانی

منگل 6 مارچ 2018 21:20

وفاقی اور صوبائی حکومتوں کے تحت قائم کرنے والے جونیئر اور سینئر کلرکوں ..

اسلام آباد ۔ (اُردو پوائنٹ اخبارتازہ ترین - اے پی پی۔ 06 مارچ2018ء) وفاقی وزیر پارلیمانی امور شیخ آفتاب احمد نے کہا ہے کہ وفاقی اور صوبائی حکومتوں کے تحت قائم کرنے والے جونیئر اور سینئر کلرکوں کے پے سکیل میں فرق دور کرنے کے معاملہ پر غور کیا جائے گا۔

(جاری ہے)

منگل کو ایوان بالا کے اجلاس میں سینیٹر سردار اعظم موسیٰ خیل کے توجہ دلائو نوٹس کے جواب میں انہوں نے کہا کہ وفاقی حکومت نے 2016ء میں سینئر کلرکوں کو 9 ویں گریڈ سے اپ گریڈ کر کے 11 واں گریڈ دینے اور جونیئر کلرکوں کو گریڈ 7 کی بجائے گریڈ 9 دینے کی منظوری دی۔

انہوں نے کہا کہ جو معاملہ محرک نے توجہ دلائو نوٹس میں اٹھایا ہے اس پر بھی غور کیا جائے گا تاہم اس کے لئے کوئی وقت نہیں دیا جا سکتا، ہم کوشش کریں گے کہ موجودہ حکومت کے دور میں ہی اس کو حل کیا جائے۔