سگریٹ نوشی سے منع کرنے پر سابق آئی جی پنجاب کے بیٹے نے ائیرپورٹ پر سرکاری افسر کو تشدد کا نشانہ بناڈالا

وزیر داخلہ احسن اقبال نے واقعہ کا نوٹس لیتے ہوئے تحقیقاتی رپورٹ طلب کرلی

اتوار 4 مارچ 2018 23:30

سگریٹ نوشی سے منع کرنے پر سابق آئی جی پنجاب کے بیٹے نے ائیرپورٹ پر ..

اسلام آباد(اُردو پوائنٹ اخبارتازہ ترین - آن لائن۔ 04 مارچ2018ء) اسلام آباد آئیر پورٹ پر سابق آئی جی پنجاب کے بیٹے نے سگریٹ نوشی سے منع کرنے پرسرکاری افسر کو تشدد کا نشانہ بناڈالا۔متاثرہ سرکاری افسر نے آئی جی کے بیٹے کے خلاف سول ایسوسی ایشن اور پولیس کو شکایت جمع کرادی۔

(جاری ہے)

ذرائع کے مطابق سابق آئی جی پنجاب عثمان خٹک کے بیٹے کی اسلام آباد ایئر پورٹ پر کھلے عام بد معاشی ،عدیل خان نامی سرکاری افسر نے سابق آئی پنجاب کے بیٹے محسن کو سگریٹ پینے سے منع کیا جس پر محسن عثمان نے اپنے ساتھیوں سمیت عدیل خان پر حملہ کردیا اوربد ترین تشدد کا نشانہ بنایا۔

عدیل خان نے سول ایسوسی ایشن اور پولیس کو شکایت جمع کرادی ،وفاقی وزیر داخلہ احسن اقبال نے واقعہ کا نوٹس لیتے ہوئًے تحقیقاتی رپورٹ طلب کرلی ہے۔