عمران خان، شیخ رشید احمد اور چوہدری پرویز الہی سمیت متعدد ارکان نے ووٹ کاسٹ نہیں کیا

ہفتہ 3 مارچ 2018 18:35

اسلام آباد ۔ (اُردو پوائنٹ اخبارتازہ ترین - اے پی پی۔ 03 مارچ2018ء) سینٹ کے انتخاب کے لئے اپنے امیدواروں کو ووٹ دینے کے لئے پاکستان تحریک انصاف کے سربراہ عمران خان، عوامی مسلم لیگ کے سربراہ شیخ رشید احمد اور مسلم لیگ (ق) کے رہنما چوہدری پرویز الٰہی سمیت متعدد ارکان نہیں آئے۔

(جاری ہے)

ہفتہ کو قومی اسمبلی ہال میں وفاقی دارالحکومت کی دو اور فاٹا کی چار نشستوں کے لئے پولنگ کاعمل مکمل ہوا۔ ان انتخابات میں پاکستان تحریک انصاف کے امیدوار بھی حصہ لے رہے تھے لیکن پی ٹی آئی کے سربراہ اپنی پارٹی کے امیدواروں کو ووٹ ڈالنے کے لئے بھی نہیں آئے۔ اسی طرح شیخ رشید احمد اور پرویز الٰہی نے بھی اپنا حق رائے دہی استعمال نہیں کیا۔