جیکب آباد،نیب نے ترقیاتی منصوبوں کے فنڈز میں کرپشن کرنے والوں کا گھیرا تنگ کردیا
174افراد پر مشتمل فہرست تیار، اربوں کے فنڈز ہڑپ کرنے والوں کی گرفتاری کے امکانات
جمعرات 1 مارچ 2018 16:58
(جاری ہے)
تفصیلات کے مطابق ملک بھر کی طرح نیب نے جیکب آباد میں بھی کرپشن کرنے والوں کے گرد گھیرا تنگ کرنا شروع کردیا ہے ،ذرائع کے مطابق چند سالوںکے دوران ضلع جیکب آباد میں ترقیاتی منصوبوں کے لیے آنے والے 40ارب سے زائد کے فنڈز میں اربوں کی کرپشن کی گئی ہے ، ضلع کے مختلف علاقوں میں سڑکوں، گلیوں کی تعمیر، اسکولوں کی مرمت و تعمیر، اوور ہیڈ برج کی تعمیر ، پارکوں کی تعمیر، سرکاری عمارتوں کی مرمت اور تعمیر، نہروں اور کینالوں کی مرمت ، جیکب آباد میں ڈرینج اسکیم، ٹھل اور گڑہی خیرو میں واٹر سپلائی اسکیم سمیت دیگر منصوبوں کے لیے آنے والے فنڈزمیں ریکارڈ کرپشن کی اطلاعات ہیں ، ضلع جیکب آباد میں ترقیاتی منصوبوں میں ہونے والی کرپشن کے خلاف سماجی رہنماؤں عبدالغنی کھوسو، ایم ڈی عمرانی سمیت دیگر شہریوں نے نیب کو کئی بار درخواستیں کی ہیں سماجی رہنماؤں نے درخواستوں کے ساتھ ترقیاتی منصوبوں میں ہونے والی کرپشن کے شواہد بھی نیب کے پاس جمع کرادئیے ہیں، دو سال قبل نیب میں داخل کی گئی درخواستوں پر ابھی عملدرآمد ہونے کی اطلاعات مل رہی ہیں اس سلسلے میںنیب حکام نے ضلع جیکب آباد میں ہونے والی کرپشن کے متعلق تمام شواہد جمع کرلئے ہیں اس ضمن میں نیب سکھر نے کئی ٹھیکیداروں اور افسران کو بھی طلب کیا ہے ، انتہائی باخبر ذرائع سے معلوم ہوا ہے کہ جیکب آباد ضلع سے تعلق رکھنے والے 174سے زائد افراد کی فہرست بنائی گئی ہے جن پر کرپشن کے الزامات ہیں ، فہرست میں شامل افراد میں سیاستدان، افسران، ٹھیکیدار اور مختلف محکموں کے ملازمین شامل ہیں معلوم ہوا ہے کہ جلد جیکب آباد میں گرفتاریاں شروع کی جائیں گی ، گرفتاریوں کی اطلاعات ملتے ہی کرپشن میں ملوث سیاستدان ، افسران اورٹھیکیدار پریشان ہیں اور نیب کی کارروائی سے بچانے کے لیے اپنا ریکارڈ درست کرنے میں مصروف ہیں، جے یو آئی کے ضلع امیر ڈاکٹر اے جی انصاری، پاکستان پرچم پارٹی کے چیئرمین ملک الطاف حسین ،جماعت اسلامی کے عبدالحفیظ بجارانی، پی پی شہید بھٹو کے ندیم قریشی ،جے ٹی آئی کے حماد اللہ انصاری، شہری اتحاد کے مولانا عبدالجبار رنداور دیگر نے کہا ہے کہ ضلع جیکب آباد کی تینوں تحصیلوں میں ریکارڈ کرپشن ہوئی ہے اربوں روپے کے فنڈز آنے کے باوجود شہر کنڈرات کا منظر پیش کررہا ہے شہر کی حالت کو دیکھ کر اندازہ لگایا جاسکتا ہے کہ کتنی کرپشن کی گئی ہے، انہوں نے کہا کہ نیب بلاتفریق کرپٹ لوگوں کے خلاف کارروائی کرے اور ان کو گرفتار کرکے ان کے خلاف مقدمات درج کئے جائیں۔
مزید اہم خبریں
-
بلوچستان میں طوفانی بارشوں کے باعث ڈیم ٹوٹ گیا
-
پولٹری:کارپوریٹ سیکٹر میں ملک کی دوسری جبکہ روزانہ کی بنیاد پر کیش فلو کے لحاظ سے پاکستان کی سب سے بڑی انڈسٹری تنازعات کا شکارکیوں؟
-
ملکی زرمبادلہ ذخائر میں مزید اضافہ ہو گیا
-
پاکستان میں سیمی کنڈکٹر انڈسٹری کے لئے بڑی صلاحیت موجود ہے.عطاءتارڑ
-
وزیراعظم نے بجلی کے ترسیلی نظام اور تقسیم کار کمپنیوں کی بہتری کیلئے ترجیحی پلان مرتب کرکے آئندہ ہفتے پیش کرنے کی ہدایت کردی
-
بین الاقوامی سرمایہ کاری کے منصوبوں کو پایہ تکمیل تک پہنچانے کیلئے عالمی شہرت یافتہ ماہرین کی خدمات لی جائیں.شہباز شریف
-
اسرائیل پر حملے کا جواب ‘امریکا اور برطانیہ نے ایران پر نئی پابندیاں عائدکردیں
-
جماعت اسلامی فارم 47 کے تحت مسلط حکومت کے خلاف بڑی تحریک برپا کرے گی
-
لاہور ہائی کورٹ نے فواد چوہدری کو 36 کیسز میں عبوری ضمانت کی درخواست دائر کرنے کے لیے 7 دن کی مہلت دیدی
-
روپے کی قدر میں کمی:دنیا بھر میں بحران کا شکار قرض پروگرام لینے والے ممالک کے لیے کرنسی کی قدرمیں کمی شرط ہوتی ہے.محمد اورنگزیب
-
بدترین معاشی حالات اور شہریوں کی قوت خرید میں کمی سے کاروں اور دیگر گاڑیوں کی فروخت میں تنزلی
-
متحدہ عرب امارات اور دیگر خلیجی ممالک میں طوفانی بارشوں سے ماحولیاتی سائنسدانوں میں نئی بحث چھڑگئی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.