چنیوٹ، ٹریفک قوانین سے متعلق آگاہی واک کا اہتمام

کہ آگاہی واک کا مقصد عوام الناس کو ٹریفک قوانین سے متعلق آگاہی دینا اور شعور اجاگر کرنا ہے،ڈسٹرکٹ پولیس آفیسر

بدھ 28 فروری 2018 21:53

چنیوٹ (اُردو پوائنٹ اخبارتازہ ترین - آن لائن۔ 28 فروری2018ء) ڈسٹرکٹ پولیس آفیسر چنیوٹ رانا طاہر رحمن خان کی زیرقیادت ٹریفک قوانین سے متعلق آگاہی واک کا اہتمام کیا گیا۔ واک میں ڈی ایس پی ٹریفک میڈم زاہدہ پروین،ڈی ایس پی سٹی اظہر یعقوب،ڈی ایس پی لیگل اختر حیات،ایس ایچ او سٹی انسپکٹر شبیر احمد،دیگر پولیس افسران،صحافیوں اور عوام کی کثیر تعداد نے شرکت کی۔

ڈسٹرکٹ پریس کلب سے شروع ہونے والی آگاہی واک ختم نبوت چوک پر اختتام پذیر ہوئی ۔

(جاری ہے)

اس موقع پر ڈی پی او نے میڈیا سے بات کرتے ہوئے کہا کہ آگاہی واک کا مقصد عوام الناس کو ٹریفک قوانین سے متعلق آگاہی دینا اور شعور اجاگر کرنا ہے۔ٹریفک قوانین پر عملدرآمد کرکے حادثات کی بڑھتی ہوئی شرح کو کافی حد تک کم کیا جا سکتا ہے۔ٹریفک حادثات کی روک تھام اور شہر میں ٹریفک کی روانی کو یقینی بنانے کے لیے تمام ممکنہ اقدامات کئے جارہے ہیں۔اس سلسلہ میں عوام کو بھی اپنی ذمہ داریوں کا احساس کرنا چاہیے اور ٹریفک قوانین کی پابندی کرنی چاہیے۔ڈی پی او نے شہریوں میں ٹریفک قوانین سے متعلق آگاہی پمفلٹس تقسیم کیے۔