لاہور ، صدر کینٹ میں کینگروکڈزسکول کے بچوں میں ٹریفک آگاہی کیلئے سرگرمیوں کا اہتمام

بچوں میں ٹریفک قوانین سے آگاہی ضروری ہے تاکہ وہ عملی زندگی میں ان سے فائدہ اٹھا سکیں

پیر 26 فروری 2018 23:30

لاہور (اُردو پوائنٹ اخبارتازہ ترین - آن لائن۔ 26 فروری2018ء) صدر کینٹ میں کینگروکڈزسکول کے بچوں میں ٹریفک آگاہی کیلئے سرگرمیوں کا اہتمام کیا گیا۔ اساتذہ، ٹریفک وارڈنز اور بچوں نے شرکت کی۔بچوں کو ٹریفک قوانین سے آگاہی دینے کیلئے سرگرمیاں کرائی گئی۔

(جاری ہے)

اساتذہ کا کہنا تھا کہ بچوں میں ٹریفک قوانین سے آگاہی ضروری ہے تاکہ وہ عملی زندگی میں ان سے فائدہ اٹھا سکیں۔

ٹریفک وارڈنز نے بچوں کو ہیلمٹ کی اہمیت، ٹریفک سگنل اور دیگر قوانین سے آگاہ کیا۔ وارڈنز نے کہا کہ بچوں کواس عمر میں سکھانا ضروری ہے۔بچوں نے پلے کارڈز پر قوانین لکھ کر اور ٹریفک قوانین کے حوالے سے سکٹس بھی پیش کیے۔ٹریفک قوانین پرعملدرآمد سے حادثات کی شرح کم کرنے میں مدد ملتی ہے اس کے لیے ضروری ہے کہ قوانین سے متعلق آگاہی دی جائے۔