پارٹی قیادت کے ساتھ اظہار یکجہتی کے لیے بھوک ہڑتال کرنیوالے لیگی ایم پی اے کی حالت بگڑ گئی

سید فاخر عباس پیر 26 فروری 2018 22:39

شیخوپورہ(اردو پوائنٹ تازہ ترین اخبار- 26فروری 2018ء):پارٹی قیادت کے ساتھ اظہار یکجہتی کے لیے بھوک ہڑتال کرنیوالے لیگی ایم پی اے عارف سندھیلہ کی حالت بگڑ گئی۔تفصیلات کے مطابق نواز شریف کی نا اہلی کے فیصلے کے خلاف قیادت کے ساتھ اظہار یکجہتی کے لیے چار روز سے بھوک ہڑتال کرنیوالے لیگی ایم پی اے عارف سندھیلہ کی حالت بگڑ گئی۔حالت بگڑنے کے باوجود عارف سندھیلہ کا بھوک ہڑتال ختم نہ کر نے کا اعلان ۔

(جاری ہے)

ڈاکٹروں نے بھوک ہڑتال نہ ختم کرنے پر حالت کے تشویشناک ہو جانے کا عندیہ دے دیا۔اس موقع پر عارف سندھیلہ کا کہنا تھا کہ میں نے یہ بھوک ہڑتال اپنی قیادت کے ساتھ اظہار یکجہتی کے لیے کیا ہے۔میری قیادت نے اس ملک کے لیے بہت کچھ کیا ہے اور مجھے ان سے اپنی وفا نبھانے کے لیے جو کرنا پڑا کروں گا ۔انکا کہنا تھا کہ میں صرف مرکزی قیادت میاں نواز ،شہباز یا مریم نواز کی آمد پر ہی ہڑتال ختم کروں گا ورنہ تادم مرگ یہیں پر بیٹھا رہو ں گا۔

Facebook Twitter Google + Share on Whatsapp

پارٹی قیادت کے ساتھ اظہار یکجہتی کے لیے بھوک ہڑتال کرنیوالے لیگی ایم پی اے کی حالت بگڑ گئی

مزید اہم خبریں