عمران خان کا لاہور ہائیکورٹ بار ایسوسی ایشن کے نو منتخب صدر انوار الحق پنوں کو ٹیلیفون

بار کے انتخاب جیتنے پر انوار الحق پنوں اور ان کے ساتھیوں کو مبارکباد دی

پیر 26 فروری 2018 21:12

عمران خان کا لاہور ہائیکورٹ بار ایسوسی ایشن کے نو منتخب صدر انوار الحق ..

اسلام آباد(اُردو پوائنٹ اخبارتازہ ترین - آن لائن۔ 26 فروری2018ء) چیئرمین تحریک انصاف عمران خان کا لاہور ہائیکورٹ بار ایسوسی ایشن کے نو منتخب صدر انوار الحق پنوں کو ٹیلیفون بار کے انتخاب جیتنے پر انوار الحق پنوں اور ان کے ساتھیوں کو مبارکباد دی۔

(جاری ہے)

پی ٹی آئی سربراہ نے بار کی نو منتخب قیادت کیلئے نیک تمنائوں اور خواہشات کا اظہار کرتے ہوئے کہا کہ پاکستان میں قانون کی حکمرانی اور جمہوریت کے استحکام میں وکلاء برادری کا کردار قابلِ تحسین ہے عمران خان نے نو منتخب صدر لاہور ہائی کورٹ بار سے حلف برداری کے بعد ملا قات کرنے کی خواہش کا اظہار کیا تعریفی کلمات پر انوارالحق پنوں کی جانب سے چیئرمین تحریک انصاف کا شکریہ ادا کرتے ہوئے کہا کہ پاکستان میں کرپشن کے خلاف تاریخی جدوجہد حقیقت میں ملک کے مستقبل کی جدوجہد ہے، کرپشن کے خلاف لڑائی میں ثابت قدمی اور جرات کا مظاہرہ کرنے پر تحریک انصاف اور اس کی قیادت مبارکباد کی مستحق ہے ۔

۔۔۔۔