کوئٹہ فائنل میں پہنچی تو ہمارے غیر ملکی کھلاڑی پاکستان آجائیں گے، سرفراز احمد

ٹیم کے لیے ایونٹ کا آغاز اچھا نہیں تھا، کپتان کوئٹہ گلیڈی ایٹرز

اتوار 25 فروری 2018 19:30

کوئٹہ فائنل میں پہنچی تو ہمارے غیر ملکی کھلاڑی پاکستان آجائیں گے، ..

دبئی(اُردو پوائنٹ اخبارتازہ ترین - آن لائن۔ 25 فروری2018ء) کوئٹہ گلیڈی ایٹرز کے کپتان سرفراز احمد نے کہا ہے کہ اگر ہماری ٹیم پی ایس ایل تھری کے فائنل میں پہنچی تو ہماری ٹیم کے غیر ملکی کھلاڑی پاکستان آنے کے لیے تیار ہوجائیں گے۔ اپنے دیے گئے انٹرویو میں سرفراز احمد نے کہا کہ امید ہے ٹیم ایونٹ کے فائنل تک رسائی حاصل کرے گی اور اس بار فائنل میں پہنچے تو ہارنے کی روایت کو توڑیں گے اور فتح سے ہم کنار ہوں گے۔

(جاری ہے)

انہوں نے کہا کہ اگر کوئٹہ گلیڈی ایٹرز فائنل میں جگہ بناتی ہے تو غیر ملکی کھلاڑی پاکستان آنے کے لیے رضامند ہوجائیں گے اس سلسلے میں کھلاڑیوں سے بات چیت جاری ہے۔پی ایس ایل تھری کے افتتاحی میچ میں شکست پر کپتان سرفراز احمد کا کہنا تھا کہ ایونٹ کا آغاز اچھا نہیں رہا، بولنگ اچھی رہی لیکن بیٹنگ میں بہت غلطیاں کیں اور اہم مواقع پر وکٹیں گنوائیں جس کی وجہ ڈاٹ بالز تھیں جس سے بلے بازوں پر دباؤ بڑھا تاہم اگلے میچز میں غلطیوں پر قابو پائیں گی