اگلے انتخابات میں سیاسی جماعتیں ملکی ترقی کیلئے معاشی ایجنڈے پر خصوصی توجہ دیں، گورنر سندھ محمد زبیر
اتوار 25 فروری 2018 18:30
(جاری ہے)
انہوں نے تمام سیاسی جماعتوں پر زور دیا کہ وہ معاشی میدان میں پاکستان کو آگے بڑھانے کے لئے متحد ہو کر کام کریں تاکہ عالمی برادری کے سامنے پاکستان کا بیانیہ زیادہ واضح اور بہتر طریقہ سے پیش کیا جاسکے، ملک کی ترقی و خوشحالی کے لئے تنقید برائے تنقید کی پالیسی چھوڑ کر حکومت اور اپوزیشن کو مل کر کام کرنا ہوگا تاکہ بیرون ملک پاکستان کے بارے میں پائے جانے والے منفی تاثر کو زائل کیا جاسکے، حال ہی میں ڈیوس میں عالمی اقتصادی فورم میں وزیر اعظم پاکستان شاہد خاقان عباسی اور پاکستان پیپلز پارٹی کے چیئرمین بلاول بھٹو زرداری کی ایک ساتھ موجودگی اور پاکستان کے کیس کو مضبوط انداز میں پیش کرنے اس سمت میں ایک لائق تحسین اقدام قرار دیا جاسکتا ہے۔
انہوں نے کہا کہ جب ملک کی بات آئے، اس کی ترقی و خوشحالی کے لئے کوئی اقدام سامنے آئے تو سیاست کو علیحدہ کرکے صرف اور صرف ملکی سالمیت ، بقائ اور قومی کاز کو مدنظر رکھنا چاہئے تاکہ دنیا کو علم ہوسکے کہ ہم اس مسئلہ پر متحد ہیں،اگر معاشی ماہرین معیشت کے بارے میں فیصلے کریں تو یہ ملک کی اقتصادی ترقی کے لئے بہتر ہوگا اور اس ضمن میں حکومتی دبا? یا اثرو رسوخ بالکل نہیں ہونا چاہئے۔ انہوں نے کہا کہ تمام تر مشکلات ، مسائل اور دشواریوں کے باوجود موجودہ حکومت نے اقتصادی میدان میں نمایاں کامیابیاں حاصل کی ہیں اور 2013 کی صورتحال کو بالکل تبدیل کردیا گیاہے۔ امن و امان ، توانائی کی صورتحال میں بہتری اور سرمایہ کاری کے مواقعوں میں اضافہ حکومتی اقدامات کی کامیابیوں کے اہم ثبوت ہیں انہوں نے کہا کہ 2013 کے مقابلہ میں کراچی بالکل تبدیل ہوچکا ہے، اٴْس وقت کوئی غیر ملکی صرف دن بھر کے لئے بھی یہاں آنے کو تیار نہیں تھا کیونکہ امن وامان کی صورتحال نہایت دگرگوں تھی۔ انہوں نے کہا کہ موجوہ حکومت کے بھرپور عزم، مخلصانہ کاوشوں اور ہرممکن مدد اور قانون نافذ کرنے والے اداروں کی انتھک محنت کے باعث کراچی اپنی سابقہ رونقوں کی جانب لوٹ رہا ہے اور یہاں سماجی ، ثقافتی ، معاشی، ادبی اور کھیلوں کی سرگرمیاں عروج پر ہیں جبکہ کراچی کے شہری بلا خوف و خطر روزمرہ کے معمولات میں مشغول ہیں۔ ڈیوس میں پا کستان پویلین کے قیام کو سراہتے ہوئے گورنر سندھ نے کہاکہ اس طرح کے اقدامات پاکستان کا اصل امیج بحال کرنے کے لئے اشد ضروری ہیں۔ انہوں نے کہا کہ یہ بھی ایک حقیقت ہے کہ کسی منفی تاثر کو ذائل ہونے میں وقت لگتا ہے لیکن ہم سب کو اس ضمن میں اپنی کوششیں جار ی رکھنا چاہئے۔ انہوں نے کہا کہ سی پیک حقیقتاً گیم چینجر ہے کیونکہ اس کے ذریعہ نہ صرف پاکستان کا انفرا اسٹرکچر بہتر ہوگا بلکہ تیز رفتار معاشی ترقی کا حصول بھی ممکن ہوسکے گا۔ انہوں نے کہا کہ اس کے تحت توانائی کے منصوبے ہماری معیشت کو مضبوط اور مستحکم بنانے میں اہم کردار ادا کریں گے کیونکہ ہم ان کے ذریعہ اپنی ضروریات سے فاضل بجلی حاصل کرنے میں کامیاب ہوجائیں گے۔ گورنر سندھ نے پاکستان کے بیانیہ کو عالمی سطح پر پیش کرنے پر اکرام سہگل ، اعجاز نثار اور دیگر کی تعریف کرتے ہوئے امید ظاہر کی کہ وہ اپنی کاوشیں مستقبل میں بھی جاری رکھیں گے۔ انہوں نے کہا کہ معیشت کی ترقی میں سی ای اوز کا کردار نہایت اہمیت کا حامل ہے۔ا نہوں نے توقع ظاہر کی کہ سی ای اوز ہر سطح پر پاکستان کا اصل بیانیہ پیش کریں گے۔مزید قومی خبریں
-
جھگڑے میں گاڑی بھگانے کے دوران پولیس اہلکارکو گاڑی ٹکر لگنے کے مقدمہ میں گرفتارخاتون کو 14روزہ جوڈیشل ریمانڈ جیل بھیجنے کا حکم
-
فیصل آباد، سرکاری آٹا کی سپلائی کے دوران بے ضابطگیوں پر11 فلورملزکے لائسنس منسوخ
-
وزیراعلیٰ مریم نوازکا عزیز بھٹی شہید ہسپتال کی چھت گرنے کے معاملہ پرسخت ایکشن،ایم ایس برطرف، تین افسرمعطل
-
نیپرا نے کے الیکٹرک کے 7 سالہ سرمایہ کاری کے روڈ میپ پر فیصلہ دے دیا
-
چیئرمین سینیٹ نے ایوان بالا کے 337 ویں اجلاس کے لئے پینل آف پریذائیڈنگ آفیسرز کے ناموں کا اعلان کر دیا
-
چیف جسٹس کوکراچی کے لذیذ کھانوں اورکچوریوں کی یاد آ گئی
-
سپریم کورٹ کا نسلہ ٹاور کی زمین فروخت کرکے الاٹیز کو معاوضہ ادا کرنے کا حکم
-
قومی شاہراہ پر منی ٹرک اور مسافر وین میں تصادم ،دوخواتین سمیت چھ افراد زخمی
-
نئے تعینات ایم ایس حضرات کو ہسپتالوں میں پیشنٹ کیئر مینجمنٹ کو بہتر بنانے کا ٹاسک سونپ دیا گیا
-
فتنہ پارٹی حسب روایت بشریٰ بی بی کی صحت سے متعلق پروپیگنڈہ کر رہی ہے ‘ عظمیٰ بخاری
-
بزنس ایڈوائزری کمیٹی اہم فورم ہے سب کو ساتھ لے کر چلیں گے، چیئرمین سینیٹ
-
افغانستان سے پاکستان میں دراندازی کرنیوالے افغان دہشتگرد کے ہوشروبا انکشافات
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.