جماعت اسلامی یوتھ مارچ میں جناح پارک پشاور میں سہ روزہ یو تھ فیسٹیول کا انعقاد کرئیگی

ہفتہ 24 فروری 2018 21:48

پشاور (اُردو پوائنٹ اخبارتازہ ترین - آئی این پی۔ 24 فروری2018ء) جماعت اسلامی یوتھ مارچ میں جناح پارک پشاور میں سہ روزہ یو تھ فیسٹیول کا انعقاد کریگی، فیسٹیول میں مختلف کھیلوں کے مقابلے ہوں گے اور سٹالز لگائے جائیں گے سہ روزہ فیسٹیول کی تیاری کے سلسلہ میں جماعت اسلامی کے صوبائی ہیڈ کوارٹر المرکز الاسلامی پشاور میں ایک جائزہ اجلاس جے آئی یو تھ خیبر پختونخوا کے نائب صدر حافظ حمید اللہ کی زیر صدارت منعقد ہو ا۔

(جاری ہے)

اجلاس میں جے آئی یوتھ خیبر پی کے کے جنرل سیکرٹری یوسف علی مشوانی ، سیکرٹری اطلاعات نعیم خان ، جے آئی یوتھ پشاور کے صدر صدیق پراچہ ، نائب صدر پشاورفاروق خلیل، جنرل سیکرٹری نور غلام اور سیار محمد بھی شریک ہوئے اجلاس میںتیاریوں نگرانی اور انتظاما ت کیلئے جے آئی یوتھ خیبر پی کے کے جنرل سیکرٹری یوسف علی مشوانی ، سیکرٹری اطلاعات نعیم خان ، جے آئی یوتھ پشاور کے صدر صدیق پراچہ ، نائب صدر پشاورفاروق خلیل، جنرل سیکرٹری نور غلام اور سیار محمد پر مشتمل انتظامیہ کمیٹی تشکیل دی گئی