عمران خان نے پیرنی سے شادی کیوں کی ہے اصل وجہ بتادی گئی، خواجہ آصف

سیالکوٹ(اُردو پوائنٹ اخبارتازہ ترین - آئی این پی۔ 24 فروری2018ء) وزیر خارجہ خواجہ محمد آصف نے کہا ہے کہ عمران خان نے وزیر اعظم بننے کے لیے پیرنی سے بھی شادی کرلی ،اب یہ بھی نہیں کہہ سکتے کہ کوئی شرم ہوتی ہے، کوئی حیا ہوتی ہے،طوطا فال سیاستدان کہتا تھا کہ نواز شریف کبھی واپس نہیں آئیں گے،گوادر سے چین کی سرحد تک ترقی صرف نواز شریف کی وجہ سے ہے۔

سیالکوٹ کے علاقے میانہ پورہ میں ورکرز کنونشن سے خطاب کرتے ہوئے خواجہ آصف نے کہا کہ ملک کی ترقی کا سہرا میاں نواز شریف کو جاتا ہے، گوادر سے چین کی سرحد تک ترقی صرف نواز شریف کی وجہ سے ہے۔خواجہ آصف نے کہا کہ مشرف نے نواز شریف کو 21 سال کی نااہلی 2 کروڑ جرمانے اور 14 سال کی قید سنائی تھی لیکن 17 سال بعد آج بھی نواز شریف لوگوں کے دلوں میں بستے ہیں، اسی طرح لودھراں میں 3 ہزار ووٹ لینے والا میاں نواز شریف کے مقابلے کی بات کرتا ہے اور جو شخص پانچ سال حکومت کرکے اپنی بیوی کے قاتل نہیں پکڑسکتا وہ اور کیا کرسکتا ہے۔

(جاری ہے)

وزیر خارجہ نے عمران خان پر تنقید کرتے ہوئے کہا کہ عمران خان کا تو پارٹی والوں کو بھی علم نہیں کہ وہ کیا کر رہا ہے، وزیر اعظم بننے کے لیے عمران خان نے پیرنی سے بھی شادی کرلی عمران خان کا تو ان کی پارٹی والوں کو بھی علم نہیں ہوتا کہ وہ کیا کر رہے ہیں بلکہ انہیں تو اب یہ بھی نہیں کہہ سکتے کہ کوئی شرم ہوتی ہے، کوئی حیا ہوتی ہے اسی طرح طوطا فال سیاست دان کہتا تھا کہ نواز شریف کبھی واپس نہیں آئیں گے۔