نوازشریف کو عدالتوں کے فیصلے ماننے چاہئیں ،ْسید خورشید شاہ

گالی اور الزامات کی سیاست نہیں ہونی چاہیے ،ْ اپوزیشن لیڈر کی میڈیا سے با ت چیت

جمعہ 23 فروری 2018 13:24

سکھر(اُردو پوائنٹ اخبارتازہ ترین - این این آئی۔ 23 فروری2018ء) قومی اسمبلی میں قائد حزب اختلاف خورشید شاہ نے کہاہے کہ نوازشریف کو عدالتوں کے فیصلے ماننے چاہئیں۔میڈیا سے گفتگو کرتے ہوئے خورشید شاہ نے کہا کہ ہمیں اداروں کا احترام کرناچاہیے، نوازشریف خود کہتے رہے ہیں کہ عدالتی فیصلے تسلیم کرنے چاہئیں لہٰذا نوازشریف کو بھی عدالتوں کے فیصلے ماننے چاہئیں۔

(جاری ہے)

اپوزیشن لیڈر نے کہاکہ گالی اور الزامات کی سیاست نہیں ہونی چاہیے جبکہ وہ نہیں سمجھتے کہ سینٹ کے الیکشن منسوخ ہوں گے۔خورشید شاہ نے حکومت پر تنقید کرتے ہوئے کہا کہ حکومت نے پانچ سال میں 7ہزار ارب قرضہ لیا ہے، ہم 21 ہزار ارب کے مقروض ہیں، ملک کی معاشی حالت خراب ہے اور ہم قرضوں میں ڈوبے ہوئے ہیں ،ْ ہر پیدا ہونے والا بچہ بھی یہاں مقروض ہے۔