سندھ کی تمام ہائی ویز اور دیگر شاہراہوں پرقائم سی این جی اسٹیشن پیٹرول پمپس پر کیمراز کی تنصیب کو لازمی بنایا جائے، آئی جی سندھ

جمعرات 22 فروری 2018 22:51

کراچی (اُردو پوائنٹ اخبارتازہ ترین - این این آئی۔ 22 فروری2018ء) آئی جی سندھ اللہ ڈنو خواجہ نے تمام ڈی آئی جیز کو احکامات جاری کرتے ہوئے کہا ہے کہ سندھ کی تمام ہائی ویز اور دیگر شاہراہوں پرقائم سی این جی اسٹیشن پیٹرول پمپس پر کیمراز کی تنصیب کو لازمی بنایا جائے ۔

(جاری ہے)

اے ڈی خواجہ نے کہا کہ تمام ایس ایس پیز اندرون پندرہ یوم کیمروں کی تنصیب کے عمل کے حوالے سے تصدیق کو یقینی بنائیں گے ۔تمام سی این جی/پیٹرول پمپس کے مالکان کو کیمروں کی تنصیب پر عمل درآمد کا پابند بنایا جائے ۔سندھ بھر میں قائم بنکوں بھی کیمروں کی تنصیب کو یقینی بنایا جائے ۔