Live Updates

ریحام خان نے عمران خان کی جانب سے باپردہ خاتون سے شادی کرنے کو سیاسی خود کشی قرار دے دیا

muhammad ali محمد علی جمعرات 22 فروری 2018 19:42

ریحام خان نے عمران خان کی جانب سے باپردہ خاتون سے شادی کرنے کو سیاسی ..
لاہور (اُردوپوائنٹ اخبارتازہ ترین۔22 فروری 2018ء) ریحام خان نے عمران خان کی جانب سے باپردہ خاتون سے شادی کرنے کو سیاسی خود کشی قرار دے دیا ہے۔ تفصیلات کے مطابق ریحام خان کی جانب سے تحریک انصاف کے سربراہ عمران خان کو تیسری شادی کرنے پر مسلسل تنقید کا نشانہ بنایا جا رہا ہے۔

(جاری ہے)

اب ایک مرتبہ پھر ریحام خان نے عمران خان کو تنقید کا نشانہ بناتے ہوئے کہا ہے کہ تحریک انصاف کے سربراہ کی جانب سے باپردہ خاتون سے شادی کرنا سیاسی خود کشی ہے۔

ریحام خان کا مزید کہنا ہے کہ عمران خان جدید پاکستان سے کوسوں دور ہیں، ایک باپردہ خاتون  سے شادی کرنا اس بات کو ثابت کرتا ہے۔ ریحام خان کا کہنا ہے کہ سر سے پاوں تک پردہ کرنا پاکستانی معاشرے کی عکاسی نہیں ہے۔ جبکہ ایک پیرنی سے شادی کرکے عمران خان خود بھی اسے راستے پر چل نکلے ہیں۔
Live عمران خان سے متعلق تازہ ترین معلومات