گری اور ایکو سٹار پی ایس ایل 2018ء میں لاہور قلندرز کے ٹائٹل سپانسرز بن گئے

جمعرات 22 فروری 2018 17:56

گری اور ایکو سٹار پی ایس ایل 2018ء میں لاہور قلندرز کے ٹائٹل سپانسرز بن ..
اسلام آباد(اُردو پوائنٹ اخبارتازہ ترین - این این آئی۔ 22 فروری2018ء) گری اور ایکو سٹار پاکستان سپر لیگ (پی ایس ایل) سیشن 2018ء میں حصہ لینے والی بہترین ٹیموں میں سے ایک ’’لاہور قلندرز‘‘ کے ٹائٹل سپانسرز بن گئے ہیں۔ لاہور قلندرز ٹیم نیوزی لینڈ کے مایہ ناز کرکٹر برینڈ میکولم اور دیگر بہت سے مشہور کھلاڑیوں پر مشتمل ہے۔ اس ضمن میں پریس کانفرنس اور دستخطوں کی تقریب گزشتہ شام دوبئی میں منعقد ہوئی۔

گری اور ایکو سٹار کے سی ای او محمد فاروق نسیم، سی او او رضوان بٹ اور ڈائریکٹر ذکاء نسیم نے بھی پریس کانفرنس میں شرکت کی۔ انہوں نے ٹیم کے لئے اپنی حمایت اور کپتان کی بہترین قیادت کا اظہار کیا اور دیگر ٹیم کھلاڑیوں سے کہا کہ وہ وہ کھیل کے حقیقی جذبہ اور نظم و ضبط کو فروغ دیں۔

(جاری ہے)

گری اور ایکو سٹارز کی بین الاقوامی کھلاڑیوں کی حوصلہ افزائی کے ساتھ ساتھ پاکستان میں کرکٹ کے فروغ کیلئے حمایت انتہائی قابل قدر ہے۔

ڈی ڈبلیو پی گروپ ملک میں بہت سے کھیلوں میں معاونت کو جاری رکھے گا۔ اس نے لاہور قلندرز کی کامیابی کیلئے خواہش کا اظہار کیا ہے۔ گری اور ایکو سٹار کی روایت ہے کہ وہ بہت سے متحرک سماجی فیسٹیولز، ٹیکنالوجی پر مبنی نمائشوں اور دیگر سماجی ایونٹس میں باقاعدگی سے شرکت کرتے ہیں تاکہ پاکستان بھر میں تمام صارفین کے مابین شعور کی آگاہی اور نئی ٹیکنالوجیز کو متعارف کرایا جا سکے۔ جیسے کہ صارفین اور فیملیز کی بڑی تعداد گھروں پر یا سٹیڈیم میں میچ دیکھ کر خوش ہوگی، یہ اقدام لوگوں کے لئے صحت افزاء تفریحی تجربہ فراہم کرنے کی جانب اہم کردار ادا کرے گا۔