محمد نواز شریف کو پارٹی صدارت سے تو نااہل قرار دیا جا سکتا ہے لیکن عوام کے دماغ اور دلوں سے نہیں نکالا جا سکتا، وزیراعظم کے معاون خصوصی برائے میڈیا امور ڈاکٹر مصدق ملک کِی نجی ٹی وی چینل سے گفتگو

بدھ 21 فروری 2018 23:50

اسلام آباد ۔ (اُردو پوائنٹ اخبارتازہ ترین - اے پی پی۔ 21 فروری2018ء) وزیراعظم کے معاون خصوصی برائے میڈیا امور ڈاکٹر مصدق ملک نے کہا ہے کہ لوگوں کے دلوں سے محمد نواز شریف کی مقبولیت کو کم نہیں کیا جا سکتا۔ بدھ کو ایک نجی ٹی وی چینل سے بات چیت کرتے ہوئے انہوں نے کہا کہ محمد نواز شریف کو پارٹی صدارت سے تو نااہل قرار دیا جا سکتا ہے لیکن عوام کے دماغ اور دلوں سے نہیں نکالا جا سکتا۔

(جاری ہے)

انہوں نے کہا کہ پاکستان مسلم لیگ (ن) ہمیشہ عوامی عدالت میں گئی ہے اور اس طرح کی عدالتوں سے تصدیق کرائی ہے۔ انہوں نے کہا کہ محمد نواز شریف نے ملک بھر میں بڑے عوامی اجتماعات سے خطاب بھی کیا ہے۔ معاون خصوصی کا کہنا تھا کہ پاکستان مسلم لیگ (ن) کی حکومت جمہوری عمل کے ذریعے ملک کو چلانا چاہتی ہے اور ہر میدان میں سنگ میل کے حصول کے لیے آئینی طریقوں سے ملک کو چلانا چاہتی ہے۔

Facebook Twitter Google + Share on Whatsapp

متعلقہ عنوان :

مزید قومی خبریں