موسم گرما شرع ہونے سے قبل ہی کراچی کے درجہ حرارت میں اضافہ

بدھ 21 فروری 2018 18:51

کراچی (اُردو پوائنٹ اخبارتازہ ترین - این این آئی۔ 21 فروری2018ء) کراچی میں گزشتہ 2 سال سے ہیٹ ویو کا شکار ہونے کے بعد ایک بار پھر اسی موسم کی طرف جارہا ہے۔ ماہرین کے مطابق موسم گرما کے آغاز سے قبل ہی کراچی کا درجہ حرارت بڑھنے کا امکان ہے۔

(جاری ہے)

تفصیلات کے مطابق موسم گرما کے آغاز سے قبل ہی کراچی میں درجہ حرارت میں اضافہ شروع ہوگیا ہے۔ 21فروری بروز بدھ دن 11 بجے تک درجہ حرارت 27ڈگری سینٹی گریڈ ریکارڈ کیا گیا۔محکمہ موسمیات کے مطابق کم سے کم درجہ حرارت 17.5 ڈگری ریکارڈ کیا گیا جبکہ ہوا میں نمی کا تناسب 47فیصد ہے۔ماہرین نے خبردار کیا ہے کہ چند دنوں میں کراچی کے درجہ حرارت میں مزید اضافہ متوقع ہے اور پارہ 34ڈگری سینٹی گریڈ تک جاسکتا ہے۔