آسٹریلوی کرکٹ ٹیم کل تین روزہ ٹور میچ سے دورہ جنوبی افریقہ کا آغاز کرے گی

بدھ 21 فروری 2018 18:18

بنوئی(اُردو پوائنٹ اخبارتازہ ترین - آن لائن۔ 21 فروری2018ء) آسٹریلوی کرکٹ ٹیم کل جمعرات کو تین روزہ ٹور میچ سے دورہ جنوبی افریقہ کا آغاز کرے گی، آسٹریلوی ٹیم ٹور میچ میں جنوبی افریقہ اے کے مدمقابل ہو گی۔

(جاری ہے)

آسٹریلوی ٹیم دورے کے دوران میزبان پروٹیز کے خلاف چار ٹیسٹ میچوں کی سیریز کھیلے گی، دونوں ٹیموں کے درمیان سیریز کا پہلا ٹیسٹ یکم مارچ کو ڈربن میں شروع ہو گا، اس کے بعد دونوں ٹیموں کے درمیان دوسرا ٹیسٹ 9 سے 13 مارچ تک پورٹ الزبتھ، تیسرا ٹیسٹ 22 سے 26 مارچ تک کیپ ٹائون جبکہ چوتھا اور آخری ٹیسٹ 30 مارچ سے 3 اپریل تک جوہانسبرگ میں کھیلا جائے گا۔۔