Live Updates

عمران خان نے شادی کے دوران بیوفائی کی، ریحام خان

عمران خان نے 66 سال کی عمر میں اپنی روحانی مرشد سے شادی کرکے اپنے کردار کو مزید متنازع بنا دیا ہے ،ْبرطانو ی اخبار شادی کے وقت ہی عمران خان کے بشریٰ وٹو سے افیئر تھا ،ْ سابقہ اہلیہ

منگل 20 فروری 2018 22:11

عمران خان نے شادی کے دوران بیوفائی کی، ریحام خان
لندن (اُردو پوائنٹ اخبارتازہ ترین - این این آئی۔ 20 فروری2018ء) برطانوی اخبار دی ٹائمز سے بات چیت کرتے ہوئے سابقہ اہلیہ ریحام خان نے کہا ہے کہ چیئرمین پاکستان تحریک انصاف عمران خان ان سے شادی کے وقت ہی بشریٰ وٹو سے رابطے میں تھے۔برطانوی اخبار دی ٹائمز نے اپنی رپورٹ میں کہا کہ عمران خان نے 66 سال کی عمر میں اپنی روحانی مرشد سے شادی کرکے اپنے کردار کو مزید متنازع بنا دیا ہے۔

اخبار نے چیئرمین پی ٹی آئی کی سابق اہلیہ کے حوالے سے کہا ہے کہ عمران خان اپنی دوسری شادی ختم ہونے سے پہلے ہی پچاس سالہ بشری وٹو سے رابطے تھے۔ایک برطانوی اخبار کے مطابق ریحام خان نے کہا ہے کہ ان سے شادی کے وقت ہی عمران خان کے بشریٰ وٹو سے افیئر تھا۔عمران خان نے اتوار کو پانچ بچوں کی والدہ بشری وٹو سے تیسری شادی کرنے کی تصدیق کی ہے۔

(جاری ہے)

دی ٹائمز نے عمران خان کی ریحام خان کا یہ بیان بھی شائع کیا ہے جس میں انہوں نے الزام لگایا ہے کہ عمران خان انہیں طلاق دینے سے پہلے ہی بشری وٹو سے رابطے تھے اور وہ اس وقت بھی ایک وفادار شوہر نہیں تھے۔دی ٹائمز کے مطابق عمران خان کے اس طرح تیسری شادی کرنے سے ان کے کردار کے بارے میں سوالات کھڑے کر دئیے ہیں جس کا انھیں جولائی میں ہونے والے الیکشن کی مہم کے دوران بھی جواب دینا ہوگا کیونکہ مخالفین عمران خان کی شادیوں کی ناکامی کو ان کے ناقابل اعتبار اور بے وفا ہونے کا ثبوت قرار دے رہے ہیں ۔

برطانوی اخبار نے اپنی رپورٹ کے اختتام میں جمعیت علمائے اسلام کے رہنما مولانا عبدالغفور حیدری کا ردعمل بھی شائع کیا ہے جو انہوں نے عمران خان کی تیسری شادی پر دیا ہے۔یہ خبر ایک ایسے موقع پر سامنے آئی ہے جب کچھ روز قبل پاکستان تحریک انصاف نے عمران خان کی بشریٰ وٹو سے شادی کی تصدیق کی تھی۔
Live عمران خان سے متعلق تازہ ترین معلومات

متعلقہ عنوان :