بشریٰ بی بی آئندہ دنوں میں تحریک انصاف کے سیاسی فیصلوں پر اثر انداز ہوں گی

عمران خان کی اہلیہ کے سیاسی اثر و رسوخ کے باعث تحریک انصاف مزید مشکلات اور تنازعات کا شکار ہوگی: عارف نظامی

محمد علی منگل 20 فروری 2018 21:15

اسلام آباد (اُردو پوائنٹ اخبارتازہ ترین۔ 20 فروری2018ء) عارف نظامی کا کہنا ہے کہ بشریٰ بی بی آئندہ دنوں میں تحریک انصاف کے سیاسی فیصلوں پر اثر انداز ہوں گی۔ تفصیلات کے مطابق تحریک انصاف کے سربراہ عمران خان کی بشریٰ بی بی سے ہونے والی تیسری شادی پر معروف صحافی و تجزیہ کار عارف نظامی کی جانب سے ردعمل دیا گیا ہے۔ عارف نظامی کا کہنا ہے کہ یہ شادی شاید تحریک انصاف کیلئے نقصان دہ ثابت ہو۔

(جاری ہے)

عمران خان سیاسی فیصلوں کے حوالے سے بشریٰ بی بی کی رائے پر بہت زیادہ انحصار کرتے ہیں۔ جبکہ بشریٰ بی بی آئندہ دنوں میں بھی تحریک انصاف کے سیاسی فیصلوں پر اثر انداز ہوں گی۔عارف نظامی کا مزید کہنا ہے کہ عمران خان کی اہلیہ کے سیاسی اثر و رسوخ کے باعث تحریک انصاف مزید مشکلات اور تنازعات کا شکار ہوگی۔ آنے والے دن تحریک انصاف کیلئے مشکل ثابت ہو سکتے ہیں۔ اس حوالے سے مزید تفصیلات ملاحظہ کیجیے: